JAKOB 3:17 - Khasi CL Bible (BSI)

¹⁷ Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

KA BAIBL

¹⁷ Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

JAKOB 3:17 ပူးပေါင်းရင်းမြစ်များ

1 SYIEM 3:12

Ngan ai ha me bun ka jingstad bad ka jingshemphang ban ïa uno uno uba la don ha shuwa lane u ban sa ïoh pat hadien.

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

1 KHRONIKL 22:12

Bad ai ba U Trai U Blei jong me un ai ha me ka jingtip bad ka jingstad ba kumta me lah ban synshar ïa ka Israel kat kum ki Hukum jong u.

1 KHRONIKL 22:9

La katta ruh, u la pynlong ka jingkular bad nga. U ong, ‘Phin sa don u khun jong u ban synshar ha ka jingsuk, namar ba ngan ai ha u ka jingsuk na ki nongshun jong u baroh. Ka kyrteng jong u kan long u Solomon, namar ha ka jingsynshar jong u ngan ai ha ki Israel ka jingsuk bad ka jingshongshngain.

Ka Kitab U Job 28:12

Hynrei hangno lah ban shem ïa ka jingstad? Hangno ngi lah ban ïoh jinghikai ban shemphang?

Ka Kitab U Job 28:23

Tang U Blei u tip ïa ka lynti, u tip ïa ka jaka hangno la shem ïa ka jingstad.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

EKSODOS 36:2

U Moses u la khot ïa u Besalel, ïa u Oholiab, bad ïa baroh ki rangbah kiba tbit ha kiba U Trai u la ai ïa ka jingnang bad kiba kloi mon sngewbha ban ïarap, bad u ong ïa ki ban sdang trei noh ïa kata ka kam.

PROBERB 2:6

Dei U Trai uba ai ïa ka jingstad; na u ka wan ka jingtip bad ka jingshemphang.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

MALAKHI 2:9

Te nga, da kaba phai pat, ngan pynlong ïa ki paid Israel ban ibeiñ ïa phi namar phim shym kohnguh ïa ka mon jong nga, bad haba phi hikai ïa ki briew jong nga, phim shym ñiew kumjuh ïa baroh.”

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MATHAÏOS 23:28

Ha kajuh ka rukom, ha kaba shabar phi i kumba phi bha ïa baroh, hynrei shapoh phi dap da ka jingarsap bad ki pop.

MATHAÏOS 5:8

Suk kiba khuid ha ka dohnud; kin ïohi ïa U Blei!

MATHAÏOS 5:9

Suk kito kiba trei na ka bynta ka jingsuk; U Blei un khot ïa ki, ki khun jong u!

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

LOUKAS 6:36

Long kiba sngewsynei kumba U Kpa jong phi u long uba sngewsynei.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

KI KAM 11:24

U Barnabas u la long u briew uba bha, uba dap da U Mynsiem Bakhuid bad da ka jingngeit, bad bun ki briew la wallam sha U Trai.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

Ka Shithi U Paul Sha Ki Nong Rom 15:14

Ko ki parabangeit jong nga: Nga hi nga sngewskhem ba phi dap da ka jingbha, ba phi don ka jingtip baroh, bad ba phi lah ban hikai iwei ïa iwei pat.

1 KORINTH 12:8

U Mynsiem u ai ha uwei ïa ka khubor ba-dap da ka jingstad, katba ha uwei pat, ujuh U Mynsiem u ai ïa ka khubor ba-dap da ka jingtip.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

2 KORINTH 7:11

Phi ïohi aïu U Blei u la leh lyngba kane ka jingsngewsih jong phi: Katno ka la pynlong smat ïa phi. Katno phi kwah ban pynshisha ïa ka jinglong balui lui jong phi! Kaba haduh katno ka jingsngew bitar, ka jingpeit pyrman halor kaba la jia, bad phi la sngew ka jingsngew, ka jingaiti, ka jinglong ba la kloi ban pynshitom ïa ka jingleh bakla! Phi la pynpaw ïa lade kiba khlem bakla ha kane ka kam baroh.

2 KORINTH 9:10

Bad U Blei, uba ai ïa u symbai ban bet bad ïa u kpu ban bam, un pynbiang ïa phi da u symbai baroh ba phi donkam bad un pynlong ïa u ban san bad un pynmih ïa ka jingot kaba khraw na kata ka jinglehsbun jong phi.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

PHILIPPI 4:8

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

1 THESSALONI 2:7

wat la kum ki apostol jong U Khrist ngi lah ban dawa na phi. Hynrei ngi la long kiba jai jai mynba ngi la don bad phi, kumba ka kmie ka sumar ïa ki khun jong ka.

1 TIMOTHI 5:21

Ha khmat jong U Blei bad jong U Khrist Jisu bad jong ki angel to kohnguh ïa kine ki jinghikai khlem jingujor lane khlem shah shiliang ïano ïano ha kano kano kaba me leh.

2 TIMOTHI 2:24

Kum u shakri jong U Trai, mem dei ban ïakajia.

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

HEBRU 12:11

Haba la sneng sympat ïa ngi, ngi ju pyrkhat ha kata ka por ïa kaei kaei kaba pynsngewsih ïa ngi, bad ym kaba pynkmen ïa ngi. Pynban hadien, kito kiba shah pynbeit da kita ki rukom sneng sympat ki ïoh ot ïa ka bainong kaba ai jingsuk jong ka jingim bahok.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 2:4

te phi long ba la rem da kaba pynïapher hapdeng jong phi hi bad phi bishar ha ka nongrim jong ki jingthmu basniew.

JAKOB 3:15

Kaba kum kata ka jingstad kam long kaba wan hiar na bneng; ka long jong ka pyrthei, kam long kaba kynja mynsiem bad ka long kaba kynja ksuid.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 2:18

Phi ki shakri, to pynrit ha ki kynrad jong phi bad pyn-i ha ki ïa ka jingtiengburom baroh, ym tang ha kito kiba lehbha bad kiba lehsbun, hynrei ruh ha kito kiba dukhi.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.