JAKOB 3:16 - Khasi CL Bible (BSI)

¹⁶ Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.

KA BAIBL

¹⁶ Namar ha kaba don ka jingpihuiñ bad ka jingpyneh sat, hangta don ka jingkhihwin bad ka jingleh basniew baroh.

JAKOB 3:16 ပူးပေါင်းရင်းမြစ်များ

JENESIS 11:9

Ïa ka nongbah la khot kyrteng ka Babel, namar dei hangta ba U Trai u la pynkhleh ïa ka ktien jong ki briew baroh; bad nangta la pynsaphred ïa ki sha kylleng ka pyrthei.

JENESIS 38:9

Hynrei u Onan u la tip ba ki khun kin ym long ki jong u, kumta haba u ïathiah shongkha bad ka tnga u hynmen jong u, u pynhap noh ïa la u symbai sharud, khnang ban yn ym pynïoh khun ïa u hynmen jong u.

MARKOS 3:25

Lada ka longïing ka phiah ïa lade ha ki kynhun kiba ïaleh pyrshah para ma ki, kata ka longïing kan kyllon noh.

KI KAM 19:29

Ka jingkhihwin ka la par ïa ka nongbah baroh kawei. Ki paidbhur ki la kem ïa u Gaïos bad ïa u Aristarkhos, ki ar ngut ki nong Makedonia kiba ïaleit ryngkat bad u Paul, bad ki la paring mareh bad ki sha ka rynsan leh tamasa.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

JAKOB 3:14

Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.