JAKOB 3:14 - Khasi CL Bible (BSI)

¹⁴ Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

KA BAIBL

¹⁴ Hynrei, lada phi don ka jingpihuiñ bakthang bad ka jingpyneh sat ha ka dohnud jong phi, wat ïalamler pyrshah ïa ka jingshisha.

JAKOB 3:14 ပူးပေါင်းရင်းမြစ်များ

JENESIS 37:11

Ki hynmen u Joseph te ki la bishni ïa u, hynrei u kpa jong u, u ïai puson shaphang kata baroh.

JENESIS 38:9

Hynrei u Onan u la tip ba ki khun kin ym long ki jong u, kumta haba u ïathiah shongkha bad ka tnga u hynmen jong u, u pynhap noh ïa la u symbai sharud, khnang ban yn ym pynïoh khun ïa u hynmen jong u.

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

2 SYIEM 10:31

Hynrei u Jehu um shym la kohnguh da ka dohnud baroh ïa ka aiñ jong U Trai, U Blei ki Israel; pynban u la bud ïa ka jingleh jong u Jeroboam, uba la ïalam ïa ki Israel ban leh pop.

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

PROBERB 14:30

Ka jingmut jingpyrkhat kaba suk ka pynlong ïa ka met ka bakoit bakhiah, hynrei ka jingpihuiñ ka long kum ka jingpang bampong.

PROBERB 27:4

Ka jingbitar ka long kaba shyrkhei bad kaba pynjot, hynrei kam long ei ei haba ïanujor bad ka jingpihuiñ.

ISAÏAH 11:13

Ka hima Israel kan ym bishni shuh ïa ka Judah, bad ka Judah kan ym long shuh ka nongshun jong ka Israel.

HABAKKUK 1:3

Balei ba me pynlong ïa nga ban ïohi ïa kaba kum kane ka jingjynjar? Kumno me lah ban shu peit ïa kaba kum kane ka jingleh bymdei? Ka jingpynjot bad ka jinglehbor ki don baroh sawdong jong nga, bad ka don ka jingïaleh bad jingïakajia ha kylleng.

MATHAÏOS 27:18

U la tip bha ba ki rangbah Jiw kiba ha ka bor ki la aiti ïa U Jisu ha u namar ba ki bishni.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

KI KAM 13:45

Haba ki Jiw ki la ïohi ïa ki paidbah, ki la dap da ka jingpihuiñ; ki la ïania ïa kaei kaba u Paul u la kren bad ki la krenbeiñ ïa u.

KI KAM 26:9

“Nga hi nga la pyrkhat ba nga dei ban leh ïa kaei kaei baroh kaba nga lah pyrshah ïa ka jingthmu U Jisu uba na Nasareth.

KI KAM 5:17

Nangta u Rangbah Lyngdoh bad baroh kiba synran ïa u, ki dkhot jong ka kynhun ki Saddusi na kata ka jaka, ki la bishni shikatdei eh ïa ki apostol; kumta ki la kut jingmut ban leh ei ei.

KI KAM 7:9

“Ki khun shynrang jong u Jakob ki la bishni ïa u Joseph u para jong ki bad ki la die ïa u ban long u mraw ha Ijipt. Hynrei U Blei u la don lem bad u bad u la pyllait ïa u na ki jingjynjar jong u baroh.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

Ka Shithi U Paul Sha Ki Nong Rom 2:17

Kumno shaphang jong phi? Phi khot ïa lade u Jiw; phi shaniah ha ka Hukum bad sngewsarong shaphang U Blei;

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

1 KORINTH 13:4

Ka jingieit ka ïaishah slem bad ka lehsbun; kam ju pihuiñ lane kam ju kob sarong;

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

1 KORINTH 5:2

Kumno, te, phi sngewsarong ïa kata? Ha kawei ka liang, phi dei bad dap da ka jingsngewsih, bad ïa u briew uba la leh ïa kaba kum kata kaei kaei la dei ban weng noh napdeng ka kynhun jong phi.

1 KORINTH 5:6

Kam long kaba dei ïa phi ba phin sngewsarong! Phi tip ïa ka jingong, “Tang khyndiat u thiat, u pynsieb ïa u kpu im ba la khleh?”

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

GALATIA 5:21

ki ïa-pihuin, ïabuaid, ki don jingkhawai jingdih kyiad, bad leh ïa kiwei kiei kiei kiba kum kine. Nga maham ïa phi mynta kumba nga la maham mynshuwa; ba kita kiba ïai leh ïa kine kiei kiei kin ym ïohkynti ïa ka hima U Blei.

GALATIA 5:26

Ngim dei ban sngewsarong lane kiba pynbitar iwei ïa iwei pat lane bishni iwei ïa iwei pat.

GALATIA 6:13

Wat kita kiba pdiang ïa ka jingotsher kim shym kohnguh ïa ka Hukum; ki kwah ïa phi ban otsher khnang ba ki lah ban kob ba phi la pynkohnguh ha kane ka jinglehniam ha ka doh.

PHILIPPI 1:15

Da shisha katto katne ngut na ki, ki ïalap ïa U Khrist namar ka jingpihuiñ bad ka jingïakajia, hynrei kiwei pat na ka mon kaba khuid.

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

1 TIMOTHI 6:4

U don ka jingkwah kaba sniew ban ïoh ïasaidnia bad ïakajia shaphang ki ktien, bad kane ka wanrah ïa ka jingpihuiñ, ka jingïania, ka jingkrenbeiñ, ka jingsuba sniew, bad ka jingïai-ïasaidnia na ki briew kiba ki jingmut jong ki kim treikam bad ki bym don shuh ïa ka jingshisha.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

JAKOB 3:16

Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.

JAKOB 5:19

Ko parabangeit jong nga, lada uwei na phi u ïaid sakma na ka jingshisha bad uwei pat u pynphai pat ïa u, to kynmaw ïa kane: Uno uno uba pynphai pat ïa u nongpop na ka lynti kaba bakla un pynim ïa ka mynsiem jong uta u nongpop na ka jingïap bad yn map ïa ki pop kiba bun byllien jong u.