JAKOB 3:13 - Khasi CL Bible (BSI)

¹³ Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.

KA BAIBL

¹³ Uei u bastad bad u bashemphang hapdeng jong phi? to un da pynpaw da ka jinglong babha jong u ïa kita ki jingleh jong u da ka jingjemnud ka jingstad.

JAKOB 3:13 ပူးပေါင်းရင်းမြစ်များ

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 122:8

Na ka bynta ki ba-ha-ïing bad ki paralok, nga ong ha ka Jerusalem, “To long ka jingsuk ïa pha!”

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

SALM 25:9

U ïalam ïa kiba sngewrit ha ka lynti ka hok bad hikai ha ki ïa ka mon jong u.

SALM 45:4

To ïaid ha ka jinglong syiem sha ka jingjop na ka bynta ka jingïada ïa ka jingshisha bad ka hok! Ka jingkhlaiñ jong me kan wallam ïa me ki jingjop bakhraw!

EKLESIASTIS 8:1

Tang u briew uba stad u tip aïu kiei kiei ki kit jingmut shisha. Ka jingstad ka pynlong ïa u ban phuh samrkhie bad ka pynjah ïa ka jingnoh sngewsih ka durkhmat jong u.

EKLESIASTIS 8:5

Katba phi dang kohnguh ïa ki hukum jong u, phi don ha ka jingshngain, bad u briew uba stad u tip kumno bad lano ban leh ïa ka.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 60:6

Ki kynhun bah ki ut kin wan, na Midian bad na Ephah. Kin wan na Sheba, kin wanrah ïa ka ksiar bad ka jingiwbih. Ki briew kin ïathuh ïa ka khubor kaba bha ïa kaei kaba U Trai u la leh!

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 5:5

Suk kito kiba sngewrit; kin ïohpdiang ïa kaei kaba U Blei u la kular!

MATHAÏOS 7:24

“Kumta te, uno uno uba ïohsngew ïa kine ki ktien jong nga bad uba kohnguh ïa ki u long kum u briew uba stad uba la tei ïa la ka ïing halor u mawsiang.

1 KORINTH 6:5

Ka long kaba sngewlehrain ïa phi! Da shisha yn don la kumno kumno u briew uba stad ha ka kynhun jong phi uba lah ban pynbeit ïa ka jingïakajia hapdeng ki parabangeit.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 8:24

To pyn-i ïa ka jingieit jong phi ïa ki, khnang ba ki balang baroh kin sngewskhem ïa kata bad kin tip ba ngim shym bakla ha kaba ngi kob sarong shaphang jong phi.

GALATIA 5:23

Ym don ka hukum pyrshah ïa kiba kum kine kiei kiei.

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

GALATIA 6:4

Uwei pa uwei u dei ban bishar ïa la ka jong ka jingleh. Lada ka long kaba bha, te u lah ban sngewsarong ïa kaei kaba ma u da lade u la leh, khlem da ïanujor ïa ka bad kaei kaba kiwei ki la leh.

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

1 TIMOTHI 4:12

Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

JAKOB 1:21

Kumta to kiar noh na ki jingmlien bajakhlia baroh bad na ki jinglong bymman baroh. To pyndem ha U Blei bad pdiang ïa ka ktien kaba u la thung ha ki dohnud jong phi, kaba lah ban pynim ïa phi.

JAKOB 2:18

Hynrei don u ban ong, “Uwei u briew u don ka jingngeit, uwei pat u don da ki kam.” Ka jubab jong nga ka long “To pyn-i ha nga kumno uno uno u lah ban don ka jingngeit khlem ki kam. Ngan sa pyn-i ïa phi ïa ka jingngeit jong nga da ki kam.”

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 1:15

Pynban, to long kiba khuid ha kiei kiei baroh kiba phi leh, kumba U Blei uba la khot ïa phi u long uba khuid.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 PETROS 3:4

Pynban, ka jingbhabriew jong phi ka shong ha ka jinglong bashisha hapoh jong phi, ka jingbhabriew bym sti noh jong ka mynsiem ba long jai jai bad bajar jar, kaba long kaba khraw tam ha khmat U Blei.