JAKOB 2:5 - Khasi CL Bible (BSI)

⁵ To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

KA BAIBL

⁵ To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JAKOB 2:5 ပူးပေါင်းရင်းမြစ်များ

1 SYIEM 22:28

“Lada me wan phai da kaba suk,” u Mikaïah u pyrta, “te U Trai um shym la kren keiñ da nga!” bad u la bynrap, “Shahshkor, uwei pa uwei ïa kaei kaba nga la kren!”

Ka Kitab U Job 34:10

To shahshkor ïa nga, phi ki rangbah kiba don jingshemphang! Hato U Blei Badonbor Baroh u leh ïa kaei ka bymdei?

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

Ka Kitab U Job 38:14

Ka jingshai kaba mynsngi ka pynlong ïa ki lum bad ki them ban ïeng kum ki jingkhylliap jong ka jaiñ, kaba shai kum ka dak jong ka shab ha ka dewbyrtha.

EKSODOS 20:6

Hynrei nga pyn-i ïa ka jingieit jong nga ha ki hajar ki pateng bynriew jong kito kiba ieit ïa nga bad kiba kohnguh ïa ki hukum jong nga.

PROBERB 13:7

Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

PROBERB 7:24

Te mynta, ko ki khun jong nga, sngap ïa nga. Pynleit jingmut ïa kaei kaba nga ong.

PROBERB 8:32

“Te mynta, ko samla, shahshkor ïa nga. Leh kumba nga ong, bad phin long suk.

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

SEPHANAÏAH 3:12

Ngan ieh hangta ïa ki briew kiba sngewrit bad kiba duk, ki ban wan sha nga na ka bynta ka jingïarap.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MARKOS 7:14

Nangta U Jisu u la khot ïa u paidbah sha u sa shisien bad ong ha ki, “To shahshkor ïa nga, baroh na phi, bad to long kiba shemphang.

LOUKAS 12:21

Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 16:22

“U briew uba duk u la ïap bad la bah da ki angel ban shong hajan u Abraham ha ka jingkhawai ha bneng. U riewspah u la ïap bad la tep,

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 22:29

bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

LOUKAS 6:20

U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

ÏOANNIS 7:48

“Hato phi la ju tip ba don uno uno na ki nongsynshar jong ki Jiw ne uwei u Pharisi kiba ngeit ha u?

KI KAM 7:2

U Stephan u la jubab, “Ko ki hynmen ki para bad ko ki kpa, shahshkor ïa nga! Ha shuwa ba u kpa tymmen jong ngi u Abraham un leit noh ban shong ha Haran, U Blei ka burom u la mihpaw ha u ha Mesopotamia bad u la ong ha u,

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

2 KORINTH 4:15

Kane baroh ka long na ka bynta jong phi; bad katba ka jingaiei U Blei ka dang kner noh sha kiba bun ki briew, kin ai sha ka burom U Blei kham bun ki jingduwai ainguh.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 1:16

To wat shah shukor, phi ki parabangeit ba-ieit jong nga!

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 1:9

U parabangeit uba duk u dei ban kmen haba U Blei u kyntiew ïa u, bad u parabangeit uba riewspah u dei ban kmen haba U Blei u pynhiar ïa u.

1 PETROS 1:4

Kane ka pyndap ïa ngi da ka jingkyrmen ba-im, bad kumta ngi peit sha khmat ban ïohpdiang ïa ki jingkyrkhu kyrhai kiba U Blei u la buh na ka bynta ki briew jong u. U buh ïa ki ha bneng na ka bynta jong phi, ha kaba kim lah ban pyut lane duh noh lane sep noh.

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

NONGBISHAR 9:7

Haba u Jotham u tip ïa kane, u leit bad u ïeng ha kliar u Lum Gerisim, bad u pyrta jam sha ki, “Shahshkor ïa nga, phi ki rangbah ka Shekhem, bad U Blei u lah ban sngap ïa phi!

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.