JAKOB 2:3 - Khasi CL Bible (BSI)

³ Lada phi kham pyn-i burom ïa u briew uba riam bha bad phi ong ïa u, “To shong ha kane ka jaka shong kaba bha tam,” hynrei phi ong ïa u briew uba duk, “To ïeng hangtai, lane to shong hangne ha madan hajan ki kjat jong nga,”

KA BAIBL

³ bad lada phi khmih burom ha uta uba kup ïa kita ki jaiñkup ki babha, bad phi ong ha u, “Ma me to shong hangne ha ka jaka ka babha”; hynrei, phi ong ha uta u baduk, “To ïeng ma me hangtai, lane to shong hapoh kane ka jingïuh kjat jong nga”:

JAKOB 2:3 ပူးပေါင်းရင်းမြစ်များ

PROBERB 18:23

Haba u briew uba duk u kren, u hap kyrpad donakor, hynrei haba u briew uba riewspah u jubab, u kren khor.

ISAÏAH 65:5

Bad nangta ki ong ïa kiwei pat, ‘To ïeng jngai na ngi, naba ngi long kiba khuid shaba palat ym bit ban ktah ïa ngi!’ Ngam lah ban shah ïa ki briew kiba kum kita — ka jingbitar jong nga pyrshah ïa ki ka long kum ka ding ka bym ju lip shuh.

LOUKAS 23:11

U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

JAKOB 2:2

Tharai u briew uba riewspah uba deng ïa ka sati ksiar bad uba riam da ki jaiñ kiba kynsai u wan rung sha ka jingïalang jong phi, bad u briew uba duk ha ki jaiñjot ruh u wan.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.