JAKOB 2:25 - Khasi CL Bible (BSI)

²⁵ Ka la long kumjuh ruh bad ka Rahab kaba long ka nuti. La pynksan ïa ka ha U Blei lyngba ki kam jong ka, mynba ka la pdiang sngewbha ïa ki Israel kiba la wan syntiat bad ïarap ïa ki ban lait phet na kawei pat ka lynti.

KA BAIBL

²⁵ Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JAKOB 2:25 ပူးပေါင်းရင်းမြစ်များ

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

KI KAM 17:7

Ma ki baroh ki la pynkheiñ ïa ki aiñ jong u Patsha, da kaba ong ba don uwei pat u syiem, uba kyrteng U Jisu.”

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

JAKOB 2:18

Hynrei don u ban ong, “Uwei u briew u don ka jingngeit, uwei pat u don da ki kam.” Ka jubab jong nga ka long “To pyn-i ha nga kumno uno uno u lah ban don ka jingngeit khlem ki kam. Ngan sa pyn-i ïa phi ïa ka jingngeit jong nga da ki kam.”

JAKOB 2:22

Hato phim ïohi? Ka jingngeit jong u bad ki kam jong u ki ïatreilang; ïa ka jingngeit jong u la pynlong janai da ki kam jong u.

JAKOB 2:24

Phi ïohi, namarkata, ka dei da ki kam jong u ba ïa u briew la pynksan ha U Blei, ym tang da ka jingngeit jong u hi.

JOSHUA 2:1

Nangta u Joshua u la phah ar ngut ki nongsyntiat na ka jaka shong dara ha Akasia lem bad ka hukum ba kin leit bad swar jar jar ïa ka ri Kanaan, khamtam eh ïa ka nongbah Jerikho. Haba ki la poi ha ka nongbah, ki la leit ban sahmiet ha ka ïing jong ka nuti kaba kyrteng ka Rahab.

JOSHUA 2:15

Ka Rahab ka shong ka sah ha kawei ka ïing kaba la tei halor ka kynroh shnong hi; kumta ka la pynhiar shapoh ïa ki rangbah da u tyllai na ka jingkhangïit.

JOSHUA 2:16

“Khie leit sha ka ri lum,” ka la ong, “ïoh ba ki briew jong u syiem kin lap ïa phi. Rieh hangta lai sngi haduh ba kin da wan phai. Hadien kata, phi lah ban leit la ka lynti.”

JOSHUA 2:4

“Katto katne ngut ki rangbah ki la wan sha ïing jong nga,” ka la jubab; “hynrei ngam tip ki dei kiba nangno. Ki la mihnoh ha ka por sep sngi shuwa ban khang ïa ka khyrdop shnong. Ngam tip shano ki leit, hynrei lada phin leit beh kloi kloi ïa ki, phi lah ban lap ïa ki.” (Mynta ka Rahab ka la ïalam ïa ki ar ngut ki nongsyntiat sha tnum ïing bad pynrieh ïa ki hapoh ki jyntang 'saihon ba ka la buh hangta.)

JOSHUA 6:17

Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.