JAKOB 2:19 - Khasi CL Bible (BSI)

¹⁹ Hato phi ngeit ba don tang uwei U Blei? Kata ka bha! Ki ksuid ruh ki ngeit — bad ki kyiuh da ka jingsheptieng!

KA BAIBL

¹⁹ Me, me ngeit ba U Blei u long uwei; me leh bha keiñ; kita ki ksuid ruh ki ngeit, bad ki sngewkyiuh keiñ.

JAKOB 2:19 ပူးပေါင်းရင်းမြစ်များ

ISAÏAH 43:10

“Ko ki paid Israel, phi long ki sakhi jong nga; nga la jied ïa phi ban long u shakri jong nga, khnang ba phin tip ïa nga bad ngeit ha nga bad sngewthuh ba nga long tang ma nga U Blei. Nalor jong nga ym don uwei pat u blei; u bym pat ju long bad u ban nym long.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 45:6

Nga leh ïa kane khnang ba baroh na kawei ka tduh jong ka pyrthei shaduh kawei pat ka tduh kan tip ba nga long U Trai bad ym don uwei pat U Blei.

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

JONAH 4:4

U Trai u la jubab, “Me don hok aïu ban bitar?”

JONAH 4:9

Hynrei U Blei u la ong ha u, “Me don hok aïu ban bitar ïa u jingthung?” U Jonah u la jubab, “Nga don ka hok baroh ban bitar — ban bitar eh ban ïap!”

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

MARKOS 12:29

U Jisu u la jubab, “Kaba kongsan eh ka dei kane, ‘Shahshkor, ko Israel! U Trai U Blei jong ngi u long tang ma u, U Trai.

MARKOS 5:7

“Ko Jisu, U Khun jong U Blei Bahakhlieh Tam Eh! Me kwah aïu bad nga? Nga kyrpad ïa me ban ym pynshitom ïa nga!”

MARKOS 7:9

Bad U Jisu u la bteng da kaba ong, “Phi don ka rukom basian jong ka jingkyntait ïa ka hukum U Blei ban pynneh ïa la ka jong ka jinghikai hi.

LOUKAS 4:34

“Ieh! Kaei me kwah bad ngi, ko Jisu uba na Nasareth? Hato me la wan hangne ban pynjot ïa ngi? Nga ithuh me long uei: Me long u nonglamktien bakhuid jong U Blei!”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”

KI KAM 19:15

Hynrei u mynsiem bymman u la ong ha ki, “Nga ithuh ïa U Jisu, bad nga tip shaphang u Paul; hynrei ma phi — phi dei kiei?”

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

GALATIA 3:20

Hynrei ïa u ksiang ym donkam haba treikam tang uwei u briew; bad U Blei u long uwei.

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

JAKOB 2:8

Phi leh ïa kaei kaba dei lada phi kohnguh ïa ka hukum jong ka hima, ïa kaba la shem ha ka Jingthoh Bakhuid, “To ieit ïa la u paramarjan kumba ieit ïa lade.”

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.