JAKOB 2:18 - Khasi CL Bible (BSI)

¹⁸ Hynrei don u ban ong, “Uwei u briew u don ka jingngeit, uwei pat u don da ki kam.” Ka jubab jong nga ka long “To pyn-i ha nga kumno uno uno u lah ban don ka jingngeit khlem ki kam. Ngan sa pyn-i ïa phi ïa ka jingngeit jong nga da ki kam.”

KA BAIBL

¹⁸ Hynrei, don u ban ong, “Me, me don ka jingngeit, nga ruh nga don ki jingleh: to pyni ha nga ïa kata ka jingngeit jong me khlem kita ki jingleh jong me, nga ruh ngan pyni ha me na kita ki jingleh jong nga ïa ka jingngeit jong nga.”

JAKOB 2:18 ပူးပေါင်းရင်းမြစ်များ

Ka Shithi U Paul Sha Ki Nong Rom 14:23

Hynrei haba u sngew artatien ïa kaei kaba u bam, U Blei u pynrem ïa u haba u bam ïa ka, namar kaei kaba u leh, kam shong nongrim ha ka jingngeit. Bad kaei kaei ka bym shong nongrim ha ka jingngeit ka long ka pop.

Ka Shithi U Paul Sha Ki Nong Rom 3:28

Naba ngi pynkut ba u briew u don ka jinglonghok bad U Blei tang lyngba ka jingngeit, bad ym da kaba leh ïa kaei kaba ka Hukum ka dawa.

Ka Shithi U Paul Sha Ki Nong Rom 4:6

Kane ka long kaei kaba u Dabid u la mut mynba u la kren shaphang ka jingsuk jong u briew ïa uba U Blei u pdiang kum uba hok, lait noh na kano kano kaba u briew u leh:

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 9:19

Hynrei uwei na phi un ong ha nga, “Lada kane ka long kumta, kumno U Blei un shem jingbakla badno badno? Uei uba lah ban ïeng pyrshah ïa ka mon U Blei?”

1 KORINTH 13:2

Nga lah ban don ka jingai ban ïalap da ka jingpyrsad mynsiem; nga lah ban don ïa ka jingtip baroh bad shemphang ha ki jingmaïan baroh; nga lah ban don ïa ka jingngeit baroh kaba donkam ban pynkynriah ïa ki lumbah — hynrei lada ngam don ka jingieit, ngam long ei ei.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

JAKOB 2:14

Ko parabangeit jong nga, kan myntoi aïu ïa uba ong ba u don ka jingngeit lada da ki kam jong u, um pynshisha ïa kata? Hato kata ka jingngeit kan pynim ïa u?

JAKOB 3:13

Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.