JAKOB 2:14 - Khasi CL Bible (BSI)

¹⁴ Ko parabangeit jong nga, kan myntoi aïu ïa uba ong ba u don ka jingngeit lada da ki kam jong u, um pynshisha ïa kata? Hato kata ka jingngeit kan pynim ïa u?

KA BAIBL

¹⁴ Hato ka myntoi aïu, ko parabangeit jong nga, lada uno uno ruh u ong ba u don ka jingngeit, hynrei, um don ki jingleh? hato kata ka jingngeit ka lah ne em ban pynim ïa u?

JAKOB 2:14 ပူးပေါင်းရင်းမြစ်များ

JEREMAÏAH 7:8

“Ha khmih, phi buh ïa la ka jingshaniah ha ki kyntien shukor.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

LOUKAS 3:11

U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

LOUKAS 6:49

Hynrei uno uno uba ïohsngew ïa ki ktien jong nga bad u bymkohnguh ïa ki u long kum u briew uba la tei ïa la ka ïing khlem da pynshong nongrim; haba ka jingshlei um ka lynshop ïa kata ka ïing, ka khyllem shisyndon — bad katno ka jingkhyllem kaba shyrkhei kata ka la long!”

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

KI KAM 8:13

U Simon hi ruh u la ngeit; bad hadien ba la pynbaptis ïa u, u la bud ha kti ha kjat ïa u Philip bad u la sngewlyngngoh haba u la ïohi ïa ki kamphylla bad ki kambah ïa kiba la leh.

KI KAM 8:21

Mem don bynta lane ïoh bynta ha ka kam jong ngi, namar ka dohnud jong me kam long kaba beit ha khmat U Blei.

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

1 KORINTH 15:2

Kata ka long ka gospel, ka khubor kaba nga la ïalap ha phi. Ïa phi la pynim da ka gospel lada phi batskhem ïa ka — lymda phi la ngeit lehnoh-ei.

1 KORINTH 16:22

Uno uno u bym ieit ïa U Trai — to long ka jingtim ïa u! Marana tha — U Trai jong ngi, u wan!

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

HEBRU 11:17

Dei ka jingngeit kaba pynlong ïa u Abraham ban ai kum ka jingkñia ïa u Isaak u khun jong u, mynba U Blei u la tynjuh ïa u Abraham. U Abraham u la long uta ïa uba U Blei u la ïateh kular, la katta ruh u long la kloi ban ai ïa la u khun marwei kum ka jingkñia.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

JAKOB 1:16

To wat shah shukor, phi ki parabangeit ba-ieit jong nga!

JAKOB 2:16

Kan myntoi aïu da kaba ong ha ki, “U Blei un kyrkhu ïa phi! To phong syaid bad to bam bha!” — lada phim ai ha ki ïa ki jingdonkam jong ka jingim?

JAKOB 2:18

Hynrei don u ban ong, “Uwei u briew u don ka jingngeit, uwei pat u don da ki kam.” Ka jubab jong nga ka long “To pyn-i ha nga kumno uno uno u lah ban don ka jingngeit khlem ki kam. Ngan sa pyn-i ïa phi ïa ka jingngeit jong nga da ki kam.”

JAKOB 2:26

Te kumta, kumba ka met khlem ka mynsiem ka long kaba ïap, kumta ruh ka jingngeit khlem ki kam ka long kaba ïap.

2 PETROS 1:5

Te namar kane hi ka daw phi dei ban leh ïa kaba bha tam jong phi ban pynlang ïa ka jingbha ha ka jingngeit jong phi; ha ka jingbha jong phi pynlang ïa ka jingtip;