JAKOB 2:1 - Khasi CL Bible (BSI)

¹ Ko parabangeit jong nga, kum kiba ngeit ha U Jisu Khrist uba U Trai jong ngi, U Trai ka burom, phim dei ban ñiew ïa ki parabriew da ki rukom kiba pher na kaei kaba ïohi ïa ki na shabar.

KA BAIBL

¹ Ko parabangeit jong nga, wat bat da ki jingleh ñiew shiliang khmat ïa ka jingngeit U Jisu Khrist U Trai jong ngi, uba U Trai ka burom.

JAKOB 2:1 ပူးပေါင်းရင်းမြစ်များ

2 KHRONIKL 19:7

Burom ïa U Trai bad trei bha, namar U Trai U Blei jong ngi um lah shah ïa ka jingleh bymdei lane ka jingleh shiliang khmat lane ka jingshim pisa thok.”

PROBERB 24:23

Ki briew kiba stad ki don ruh ban ong ïa kine kiei kiei: Ka long ka bymdei ïa u nongbishar ban leh shiliang khmat.

PROBERB 28:21

Kaba ñiewshiliang ka long kaba bakla. Hynrei don katto katne ki nongbishar ki ban leh bymdei ban ïoh wat tang kaba rit tam ka jingbamsap.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

KI KAM 10:34

U Petros u la sdang ban kren: “Mynta nga sngewthuh ba ka long kaba shisha ba U Blei u ñiew kumjuh ïa uno uno baroh.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 24:24

Hadien khyndiat sngi, u Pheliks u la wan lem bad ka tnga jong u, ka Drusilla, kaba long ka Jiw. U la phah khot ïa u Paul bad u la shahshkor ïa u katba u nang kren shaphang ka jingngeit ha U Khrist Jisu.

KI KAM 7:2

U Stephan u la jubab, “Ko ki hynmen ki para bad ko ki kpa, shahshkor ïa nga! Ha shuwa ba u kpa tymmen jong ngi u Abraham un leit noh ban shong ha Haran, U Blei ka burom u la mihpaw ha u ha Mesopotamia bad u la ong ha u,

Ka Shithi U Paul Sha Ki Nong Rom 1:11

Naba nga kwah haduh katta katta ban ïohi ïa phi, khnang ban ïasam ïa ka jingkyrkhu ba kynja mynsiem bad phi bad ban pynkhlaiñ ïa phi.

1 KORINTH 2:8

Ym don uwei ruh na ki nongsynshar jong kane ka pyrthei, uba la tip ïa kane ka jingstad. Lada ki la tip ïa ka, kin ym da la sahnarphna ïa U Trai ka burom.

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

KOLOSSAI 1:4

Naba ngi la ïohsngew ïa ka jingngeit jong phi ha U Khrist Jisu bad ïa ka jingieit jong phi ïa ki briew baroh ki jong U Blei.

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

1 TIMOTHI 5:21

Ha khmat jong U Blei bad jong U Khrist Jisu bad jong ki angel to kohnguh ïa kine ki jinghikai khlem jingujor lane khlem shah shiliang ïano ïano ha kano kano kaba me leh.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

JAKOB 1:16

To wat shah shukor, phi ki parabangeit ba-ieit jong nga!

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 2:3

Lada phi kham pyn-i burom ïa u briew uba riam bha bad phi ong ïa u, “To shong ha kane ka jaka shong kaba bha tam,” hynrei phi ong ïa u briew uba duk, “To ïeng hangtai, lane to shong hangne ha madan hajan ki kjat jong nga,”

JAKOB 2:9

Hynrei lada phi ñiew ïa ki briew kat kum ba ki paw shabar, phi long ba la rem ha ka pop, bad ka hukum ka pynrem ïa phi kum u nongpynkheiñ hukum.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.