JAKOB 1:7 - Khasi CL Bible (BSI)

^7-8 U briew uba kum uta, um lah ban kut jingmut bad ban rai ha kiei kiei baroh ba u leh, um dei ban pyrkhat ba un sa ïohpdiang ei ei na U Trai.

KA BAIBL

⁷ Namar wat ai ba uta u briew un mut ba un ïoh diang ei ei ruh na U Trai,

JAKOB 1:7 ပူးပေါင်းရင်းမြစ်များ

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

JAKOB 1:6

Hynrei haba phi duwai, phi dei ban ngeit bad ban ym artatien da lei lei. Uno uno uba artatien u long kum ka jingat phyllung ha ka duriaw ïa kaba la beh bad ba la pynshad kynting da ka lyer.

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.