JAKOB 1:6 - Khasi CL Bible (BSI)

⁶ Hynrei haba phi duwai, phi dei ban ngeit bad ban ym artatien da lei lei. Uno uno uba artatien u long kum ka jingat phyllung ha ka duriaw ïa kaba la beh bad ba la pynshad kynting da ka lyer.

KA BAIBL

⁶ Hynrei, to un pan ha ka jingngeit, khlem da artatien ei ei ruh em; namar uta uba da sngew-artatien, u long keiñ kum ka jingat phyllung ka duriaw, ïa kaba la beh da ka lyer bad ba la pynshad kynting.

JAKOB 1:6 ပူးပေါင်းရင်းမြစ်များ

JENESIS 49:4

Me long kum ka umbah kaba shlei. Hynrei men ym ïoh ïa ka kyrdan bapawkhmat tam, Naba me la ïathiah shongkha bad ka tnga kliar jong nga, bad me la pynjahburom ïa ka jingthiah u kpa jong me.

MATHAÏOS 14:28

Nangta u Petros u la jubab. “Ko Trai, lada dei shisha ma me, hukum ïa nga ban wan sha me halor ka um.”

KI KAM 10:20

Kumta to khreh bad leit hiar, bad wat sngewlehrain ban leit bad ki, naba nga la phah ïa ki.”

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

JAKOB 1:7

U briew uba kum uta, um lah ban kut jingmut bad ban rai ha kiei kiei baroh ba u leh, um dei ban pyrkhat ba un sa ïohpdiang ei ei na U Trai.

JAKOB 5:15

Kane ka jingduwai ba la pynlong ha ka jingngeit kan pynkhiah ïa u briew uba pang; U Trai un sa ai biang ha u ïa ka jingkoit jingkhiah, bad ïa ki pop kiba u la leh yn map.

2 PETROS 2:17

Kine ki briew ki long kum ki pukri ba la tyrkhong, kum ki lyoh ba la rong noh da ka 'erïong; U Blei u la buh tyngkai ïa ka jaka na ka bynta jong ki ha ka jingdum tliw tliw.