JAKOB 1:26 - Khasi CL Bible (BSI)

²⁶ Hato don uno uno uba pyrkhat ba u long uba riewblei? Lada um synshar ïa la u thylliej, ka jinglong riewblei jong u kam myntoi bad u shukor ïa lade.

KA BAIBL

²⁶ Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 1:26 ပူးပေါင်းရင်းမြစ်များ

Ka Kitab U Job 15:13

Me leh bitar ïa U Blei bad me kyntait ïa u.

Ka Kitab U Job 30:11

Namar ba U Blei u la pynlong ïa nga uba tlot bad u bym lah leh ei ei, ki phai pyrshah ïa nga da ka jingbitar jong ki baroh.

SALM 141:3

A Trai, to buh u nongap phira ha ka shyntur jong nga, u nongap ha ka jingkhang jong ki rmiang shyntur jong nga.

SALM 32:9

Wat long uba bieit kum u kulai ne u khashor, ïa uba hap ban pynïaid da u nar-bniat bad u lakam, ban pynlong ïa u ban pyndem.”

SALM 34:13

Te sumar na kaba kren sniew, bad na kaba kren lamler.

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 10:31

Ki briew kiba hok ki kren ïa ka jingstad, hynrei ïa u thylliej uba kren sniew yn pynsangeh.

PROBERB 14:12

Kaei kaba phi pyrkhat ba ka long ka lynti kaba dei ka lah ban ïalam sha ka jingïap.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 16:10

U syiem u kren da ka iktiar blei; ki rai jong u borabor ki long kiba dei.

PROBERB 16:25

Kaei kaba phi pyrkhat ba ka long ka lynti kaba dei ka lah ban ïalam sha ka jingïap.

PROBERB 19:1

Ka kham bha ban long uba duk hynrei uba beit ban ïa kaba long u bieit uba shukor.

PROBERB 21:26

U briew uba hok, pat, u lah ban ai, bad ban ai kylluid.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

MATHAÏOS 15:9

Kam myntoi ïa ki ban mane ïa nga, namar ba ki hikai ïa ki rukom ki briew kumba ki dei ki hukum jong nga!’ ”

MARKOS 7:7

Ka long ka bymmyntoi ïa ki ban mane ïa nga, namar ki hikai ïa ki aiñ ba la thaw da ki briew kumba ki dei ki aiñ U Blei!’

LOUKAS 8:18

“Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

1 KORINTH 15:15

Kaba kham palat ïa kata ka long ba ïa ngi la pynpaw ba ngi shu lamler shaphang U Blei, namar ba ngi la ong ba u la pynmihpat ïa U Khrist na ka jingïap — hynrei lada ka long kaba shisha ba ïa kiba ïap ym shym la pynmihpat, te um shym la pynmihpat ïa U Khrist.

1 KORINTH 15:2

Kata ka long ka gospel, ka khubor kaba nga la ïalap ha phi. Ïa phi la pynim da ka gospel lada phi batskhem ïa ka — lymda phi la ngeit lehnoh-ei.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

GALATIA 2:6

Hynrei ïa kito kiba idei ban long ki nongïalam — nga ong ïa kane namar kam pher ei ei ïa nga la ki long kiba kumno kumno ruh; U Blei um bishar na ki durkhmat bashabar — kito ki nongïalam, nga ong, kim don ei ei ki jingai jingmut bathymmai na ka bynta jong nga.

GALATIA 2:9

U Jakob, u Petros, bad u Ïoannis, kiba i ba ki long ki nongïalam, ki la tip ba U Blei u la ai ha nga ïa kane ka kam bakyrpang; kumta ki la ïakhublei kti ïa u Barnabas lem bad ïa nga de, kum ka dak ba ngi ïalong baroh ki nongïatrei lang. Ngi la ïamynjur ba u Barnabas bad nga, ngin ïatrei hapdeng ki Jentil, bad ki pat hapdeng ki Jiw.

GALATIA 3:4

Hato baroh kaba phi la mad kam don jingmut ei ei? Da shisha ka don katto katne ka jingmut!

GALATIA 6:3

Lada uno uno u mut ba u long ei ei haba da shisha um long ei ei, u long tang u nongshukor ïa lade.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

DEUTERONOMI 11:16

Da husiar ban ym shah ïalam bakla noh na U Trai ban mane bad shakri ïa kiwei pat ki blei.

KOLOSSAI 4:6

Ka jingkren jong phi ka dei ban long borabor kaba sngewbang bad kaba sngewtynnat, bad phi dei ban tip kumno ban ai ka jubab kaba dei ha uwei uwei baroh.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

JAKOB 2:20

Phi kiba bieit! Hato phi kwah ban da pyn-i ba ka jingngeit khlem ki kam ka long ka bymmyntoi?

1 PETROS 3:10

Kumba ka Jingthoh Bakhuid ka ong, “Uno uno uba kwah ban lehkmen ha ka jingim bad uba kwah ban ïohi ïa ki por kiba bha, u dei ban kiar na kaba kren sniew bad ban nym kren lamler.