JAKOB 1:25 - Khasi CL Bible (BSI)

²⁵ Hynrei uno uno uba peit bniah ïa ka hukum bajanai kaba pyllaitluid ïa ki briew, uba ïai pynleit jingmut ïa ka bad ym tang ban sngap ïa ka bad nangta ban klet noh, hynrei u pyntreikam ïa ka — uta u briew un ïoh jingkyrkhu na U Blei ha kaei kaei kaba u leh.

KA BAIBL

²⁵ Hynrei, jar uba ïaikhmih thuh sha ka hukum bajanai, kaba ka jong ka jingpynpyllait luid, bad u ïaineh; une, haba um long u nongsngew uba klet noh, hynrei, u nongleh ïa ka kam, un long uba suk ha kata ka jingleh jong u.

JAKOB 1:25 ပူးပေါင်းရင်းမြစ်များ

SALM 106:3

Suk kito kiba kohnguh ïa ki hukum jong u, kiba leh borabor ïa kaei kaba dei.

SALM 119:32

Ngan kohnguh da kaba angnud eh ïa ki hukum jong me, namar men ai shuh shuh ka jingshemphang ïa nga.

SALM 119:45

ngan im ha ka jinglaitluid bajanai, namar nga pyrshang ban kohnguh ïa ki jinghikai jong me.

PROBERB 14:15

Uba bieit un ngeit ïa kaei kaei baroh; ki briew kiba sian ki da khmih ïa la ka jingjam.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

ÏOANNIS 8:36

Lada U Khun u pyllaitluid ïa phi, te phin long da shisha kiba laitluid.

KI KAM 13:43

Hadien ba ki paidbah ki la mihnoh na ka jingïalang, ïa u Paul bad u Barnabas la bud da kiba bun ki Jiw bad da kiba bun ki Jentil kiba la kylla sha ka niam ki Jiw. Ki apostol ki la kren ha ki bad ki la pynshlur ïa ki ban ïai im ha ka jingaiei jong U Blei.

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

Ka Shithi U Paul Sha Ki Nong Rom 11:22

Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

Ka Shithi U Paul Sha Ki Nong Rom 2:13

Naba ym dei da kaba ïohsngew ïa ka Hukum ba ki briew ki don ka jingïadei bad U Blei, hynrei da kaba leh ïa kaei kaba ka Hukum ka dawa.

Ka Shithi U Paul Sha Ki Nong Rom 7:12

Te kumta, ka Hukum hi ka long kaba khuid, bad ka jinghukum ka long kaba khuid, kaba dei bad kaba bha.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

2 KORINTH 13:5

To tynjuh ïa lade bad bishar hi da lade, ban shem la phi im ne em ha ka jingngeit. Hato da shisha phi tip ba U Khrist Jisu u don ha phi? — lymda phi la long kiba la shahjop noh.

GALATIA 2:4

wat la don katto katne ngut kiba kwah ban pyndep ïa ka. Da kaba leh mynleh kum ki parabangeit, kine ki rangbah ki la ïohrung shapoh ka kynhun jong ngi kum ki nongsyntiat, khnang ban lap shaphang ka jinglaitluid kaba ngi la mad da ka jingpynïasoh jong ngi ha U Khrist Jisu.

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

1 TIMOTHI 2:15

Hynrei ka kynthei kan ïohlait im ha ka por ba ka kha khun, lada ka ïaineh ha ka jingngeit bad ka jingieit bad ka jingkhuid, lem bad ka jingdon akor.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

JAKOB 2:12

To kren bad to leh kum ki briew ïa kiba yn sa bishar da ka hukum kaba pyllaitluid ïa ngi.

1 PETROS 2:16

To im kum ki briew kiba laitluid; hynrei wat pyndonkam ïa ka jinglaitluid ban buhrieh ïa kano kano kaba sniew, hynrei to im kum ki mraw jong U Blei.

1 ÏOANNIS 2:24

To sngewskhem, te, ban sumar ha ki dohnud jong phi ïa ka khubor ba phi la ïohsngew naduh mynnyngkong. Lada phi sumar ïa kata ka khubor, te phin ïaisah borabor ha U Khun bad ha U Kpa.

JINGPYNPAW 14:13

Nangta nga la ïohsngew ïa ka sur na bneng kaba ong, “To thoh ïa kane: Suk kito kiba naduh mynta ki ïap ha kaba shakri ïa U Trai!” “Ho-oid shisha!” U Mynsiem u jubab. “Kin ïoh shongthait na ki jingtrei shitom jong ki, namar ki soh ka jingshakri jong ki, ki leit lem bad ki.”

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

1 SAMUEL 12:14

Lada phi tiengburom ïa U Trai, phi shakri ïa u, phi shahshkor ïa u, bad phi kohnguh ïa ki hukum jong u, bad lada ma phi bad u syiem uba synshar ïa phi, phi bud ïa U Trai U Blei jong phi, baroh kan manbha bad phi.