JAKOB 1:21 - Khasi CL Bible (BSI)

²¹ Kumta to kiar noh na ki jingmlien bajakhlia baroh bad na ki jinglong bymman baroh. To pyndem ha U Blei bad pdiang ïa ka ktien kaba u la thung ha ki dohnud jong phi, kaba lah ban pynim ïa phi.

KA BAIBL

²¹ Naba kumta, haba la buh noh bad ïa ka jingtngit baroh, bad ïa ka jingshlei ka jingbishni, to phin pdiang da ka jingjemnud ïa kata ka ktien ba la thung, kaba lah keiñ ban pynim ïa ki mynsiem jong phi.

JAKOB 1:21 ပူးပေါင်းရင်းမြစ်များ

SALM 25:9

U ïalam ïa kiba sngewrit ha ka lynti ka hok bad hikai ha ki ïa ka mon jong u.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MATHAÏOS 5:5

Suk kito kiba sngewrit; kin ïohpdiang ïa kaei kaba U Blei u la kular!

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

KI KAM 10:33

Bad kumta shisyndon nga la phah khot ïa me, me ruh me la long uba sbun eh ban wan. Mynta ngi baroh ngi don hangne ha ka jingdon ryngkat jong U Blei, da kaba ap ban ïohsngew ïa kano kano kaba U Trai u la bthah ïa me ban ong.”

KI KAM 13:26

“Ko para Israel jong nga, ki khun ki ksiew jong u Abraham, bad baroh ki Jentil hangne kiba mane ïa U Blei: Ka long ha ngi, ba la phah ïa kane ka khubor ka jingpynim!

Ka Shithi U Paul Sha Ki Nong Rom 1:16

Nga don ka jingngeit baskhem ha ka Gospel; ka long ka bor U Blei ban pynim ïa baroh kiba ngeit, nyngkong ïa ki Jiw bad ïa ki Jentil ruh.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

1 KORINTH 15:2

Kata ka long ka gospel, ka khubor kaba nga la ïalap ha phi. Ïa phi la pynim da ka gospel lada phi batskhem ïa ka — lymda phi la ngeit lehnoh-ei.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

1 THESSALONI 1:5

Naba ngi la wallam ïa ka Khubor Babha ha phi, ym tang ha ki ktien, hynrei ruh ha ka bor bad ha U Mynsiem Bakhuid, bad da ka jingsngewthuh pura ïa ka jingshisha jong ka. Phi tip kumno ngi la im mynba ngi la don bad phi; ka la long na ka bynta ka jingbha jong phi hi.

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

TITOS 2:11

Naba U Blei u la pynpaw ïa ka jingaiei jong U na ka bynta ka jingpynim jong ki briew baroh.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 1:9

namar phi ïohpdiang ïa ka jingpynim ïa ki mynsiem jong phi, kaba long ka jingthmu jong ka jingngeit jong phi ha U.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.