JAKOB 1:19 - Khasi CL Bible (BSI)

¹⁹ To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

KA BAIBL

¹⁹ Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

JAKOB 1:19 ပူးပေါင်းရင်းမြစ်များ

NEHEMAÏAH 8:18

Naduh ka sngi kaba nyngkong jong ka Jingkhawai Niam haduh ka sngi kaba khatduh, ki pule ïa ki bynta jong ka Hukum U Blei man ka sngi. Ka Jingkhawai Niam ka la long na ka bynta hynñiew sngi, bad ha ka sngi kaba phra, ka la don ka jingpynkut ïa ka Jingkhawai Niam kumba la ong ha ka Hukum.

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

NEHEMAÏAH 9:3

Kumba lai kynta, ïa ka Hukum jong U Trai U Blei jong ki, la pule ha ki, bad ha ki lai kynta kiba bud, ki phla ïa la ki pop bad mane ïa U Trai U Blei jong ki.

Ka Kitab U Job 32:16

Hato ngan ïai ap haduh ba kin da sngap jar? Ki shu ïeng hangto khlem don ei ei shuh ban ong.

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 13:3

Husiar ïa kaei kaba phi ong bad ri ïa la ka jingim. Uba kren thurmur u pynjot ïa lade.

PROBERB 14:17

Ki briew kiba shit khlieh ki leh ïa ki kam bieit; ki briew kiba stad ki long jai jai.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 15:18

Kaba shit khlieh ka thaw ki jingïania, hynrei ka jingïaishah ka wallam ïa ka jingsuk.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 16:32

Ka long kaba kham bha ban ïaishah ban ïa kaba long uba donbor. Ka kham bha ban don ka bor halor lade ban halor ki nongbah baroh.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 17:27

Uba sngewskhem ha lade um kren ha ki por baroh. Ki briew kiba long jai jai ki don ka jingïohi jngai da shisha.

PROBERB 18:13

Da sngap ha shuwa ba phin jubab. Lada phim leh kumta, phi long uba bieit bad shah rkhiebeiñ.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

PROBERB 19:11

Lada phi long uba shemphang, phin lah ban kan ïa la ka jingbitar. Haba uno uno u leh bakla ïa phi, ka dei ka jinglong bakhraw ban leh klet ïa ka.

PROBERB 19:19

Lada don uno uno uba bitar shen, to ai ba un shim ïa ki soh ba mih na kata. Lada phi pyllait ïa u na ka jingjynjar shisien, phin sa hap leh biang.

PROBERB 21:23

Lada phi kwah ban lait na ka jingjynjar to sumar ïa kaei kaba phi ong.

PROBERB 25:28

Lada phim lah ban synshar ïa ka jingbitar jong phi, phin long khlem ka jingïarap kum ka nongbah bym don kynroh, kaba lait rynghang ban shah tur ïaleh.

PROBERB 29:20

Don katto katne ka jingkyrmen ïa u bieit uba mutlop ban ïa uno uno uba kren khlem pyrkhat.

JINGKHEIÑ 22:27

Ha kane ka sien, haba ka kada ka la ïohi ïa u angel, ka la dem khop. U Balaam u la bitar lep bad u la sdang ban sympat ïa ka da la u diengduh.

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 12:37

“U Dabid hi da lade u la khot ïa u ‘U Trai’; te kumno U Messaïah u lah ban hiarpateng na u Dabid?” U paidbah babun u dang shahshkor ïa U Jisu da ka jingkmen.

MARKOS 2:2

Kumta bun ki briew ki la ïawanlang shisien wan ba ym don jaka shuh kaba lait, ym don jaka shuh wat habar ha khmat ka jingkhang. U Jisu u dang ïalap ïa ka khubor ha ki,

LOUKAS 15:1

Ha kawei ka sngi mynba ki nonglum khajna bad kiwei kiba la shah kyntait ki la wan ban shahshkor ïa U Jisu,

LOUKAS 19:48

hynrei kim shym shem ka lad ban leh ïa kata, namar baroh ki briew ki la ïai shahshkor ïa u, kim kwah ban duh noh wat kawei ka kyntien.

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

KI KAM 10:33

Bad kumta shisyndon nga la phah khot ïa me, me ruh me la long uba sbun eh ban wan. Mynta ngi baroh ngi don hangne ha ka jingdon ryngkat jong U Blei, da kaba ap ban ïohsngew ïa kano kano kaba U Trai u la bthah ïa me ban ong.”

KI KAM 13:48

Haba ki Jentil ki la ïohsngew ïa kane, ki la kmen bad ki la ïaroh ïa ka khubor jong U Trai, bad kito ïa kiba la jied na ka bynta ka jingim bymjukut ki la long ki riewngeit.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

EPHESOS 4:31

To bret noh ïa baroh ka jingkthang mynsiem, ka jingkwah brai bad ka jingbitar. Keiñ noh ka jingkaw kaw, lane ka jingkrenbeiñ bad keiñ noh ki jingsngew isih la ha kano kano ka rukom.

KOLOSSAI 3:15

Ka jingsuk kaba U Khrist u ai, ka long ban kdew lynti ïa phi ha ki rai kiba phi shim; naba dei ïa kane ka jingsuk ba U Blei u la khot lang ïa phi ha kawei ka met. Bad to long kiba sngewnguh.

KOLOSSAI 3:8

Hynrei mynta phi dei ban kiar noh na kine kiei kiei baroh: Ka jingbitar, ka jingkwah jakhlia, bad ki jingsngew kiba dap da ka jingisih. Ki jingkrenbeiñ lane ki jingkrensih kim dei da lei lei ban mih na ki rmiang shyntur jong phi.

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

JAKOB 1:16

To wat shah shukor, phi ki parabangeit ba-ieit jong nga!

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

JAKOB 1:26

Hato don uno uno uba pyrkhat ba u long uba riewblei? Lada um synshar ïa la u thylliej, ka jinglong riewblei jong u kam myntoi bad u shukor ïa lade.

JAKOB 2:1

Ko parabangeit jong nga, kum kiba ngeit ha U Jisu Khrist uba U Trai jong ngi, U Trai ka burom, phim dei ban ñiew ïa ki parabriew da ki rukom kiba pher na kaei kaba ïohi ïa ki na shabar.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JAKOB 3:10

Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.

JAKOB 5:19

Ko parabangeit jong nga, lada uwei na phi u ïaid sakma na ka jingshisha bad uwei pat u pynphai pat ïa u, to kynmaw ïa kane: Uno uno uba pynphai pat ïa u nongpop na ka lynti kaba bakla un pynim ïa ka mynsiem jong uta u nongpop na ka jingïap bad yn map ïa ki pop kiba bun byllien jong u.

1 ÏOANNIS 2:21

Nga thoh sha phi, namarkata, ym namar ba phim tip ïa ka jingshisha; pynban, ka long namar ba phi da tip ïa ka, bad phi tip ruh ym don ka lamler kaba ju mihnoh na ka jingshisha.