JAKOB 1:16 - Khasi CL Bible (BSI)

¹⁶ To wat shah shukor, phi ki parabangeit ba-ieit jong nga!

KA BAIBL

¹⁶ To wat bakla noh phi, ko parabangeit ba-ieit jong nga.

JAKOB 1:16 ပူးပေါင်းရင်းမြစ်များ

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

MARKOS 12:24

U Jisu u la jubab ïa ki, “Katno phi la bakla! Bad phi tip balei? Ka long namar ba phim tip ïa ki Jingthoh Bakhuid lane ïa ka bor jong U Blei.

MARKOS 12:27

U long U Blei jong kiba im, ym jong kiba ïap. Phi la bakla shikatdei eh!”

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

GALATIA 6:7

Wat ym shukor phi ïa lade hi, ym don mano mano uba ñiew bieit ïa U Blei. U briew un ot ïa kaei kaba u bet.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

KOLOSSAI 2:4

Nga ong ha phi, te, wat ai ba uno uno un shukor ïa phi da ki jingïatainia kiba bakla, kam pher haduh katno ki i kumba ki long kiba bha.

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

2 TIMOTHI 2:18

Ki la iehnoh ïa ka lynti ka jingshisha bad pynkylla khongpong ïa ka jingngeit jong ki katto katne ki bangeit da kaba ong ba ka jingpynmihpat ïa ngi ka la dep jia.

HEBRU 13:1

To ïaineh ha kaba ïa-ieit iwei ïa iwei kum ki parabangeit.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

JAKOB 2:1

Ko parabangeit jong nga, kum kiba ngeit ha U Jisu Khrist uba U Trai jong ngi, U Trai ka burom, phim dei ban ñiew ïa ki parabriew da ki rukom kiba pher na kaei kaba ïohi ïa ki na shabar.

JAKOB 2:14

Ko parabangeit jong nga, kan myntoi aïu ïa uba ong ba u don ka jingngeit lada da ki kam jong u, um pynshisha ïa kata? Hato kata ka jingngeit kan pynim ïa u?

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.

JAKOB 3:10

Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.

JAKOB 5:19

Ko parabangeit jong nga, lada uwei na phi u ïaid sakma na ka jingshisha bad uwei pat u pynphai pat ïa u, to kynmaw ïa kane: Uno uno uba pynphai pat ïa u nongpop na ka lynti kaba bakla un pynim ïa ka mynsiem jong uta u nongpop na ka jingïap bad yn map ïa ki pop kiba bun byllien jong u.