JAKOB 1:12 - Khasi CL Bible (BSI)

¹² Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

KA BAIBL

¹² Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 1:12 ပူးပေါင်းရင်းမြစ်များ

JENESIS 22:1

Hadien khyndiat por, U Blei u la tynjuh ïa u Abraham; u khot ïa u, “Abraham!” Bad u Abraham u jubab, “Oi, nga hangne!”

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

Ka Kitab U Job 2:10

U Job u jubab, “Pha kren bieit! Haba U Blei u phah ei ei kaba bha, ngi pdiang ïa kata. Kumno ngi lah ban khñium haba u phah ïa ki jingeh ha ngi?” Wat la u shah ïa ki jingjynjar baroh, u Job um shym la kren ei ei pyrshah ïa U Blei.

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

SALM 11:5

U khmih bniah ïa uba hok bad ïa u bymman kumjuh, ïa uba tamsneng u isih da ka dohnud jong u baroh.

SALM 119:67

Ha shuwa ba men pynshitom ïa nga, nga la ju ïaid sakma; hynrei mynta nga kohnguh ïa ka ktien jong me.

SALM 119:71

Ka jingpynshitom jong nga ka la long kaba bha ïa nga, namar ka pynlong ïa nga ban nang ïa ki hukum jong me.

SALM 119:75

Nga tip ba ki jingbishar jong me ki long kiba hok, A Trai, bad ba me la pynshitom ïa nga namar me long uba ïaineh.

SALM 5:11

Hynrei baroh kiba shem ka jakarieh ha me kin shadkmen; ki lah borabor ban rwai da kaba kmen. To ïada ïa kito kiba ieit ïa me; namar jong me ki da kmen shisha.

SALM 94:12

A Trai, katno suk long u briew uba me hikai, uta ha uba me hikai ïa ka aiñ jong me!

EKSODOS 20:6

Hynrei nga pyn-i ïa ka jingieit jong nga ha ki hajar ki pateng bynriew jong kito kiba ieit ïa nga bad kiba kohnguh ïa ki hukum jong nga.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

ISAÏAH 64:4

Ym pat ju don ba ïohi lane ïohsngew ïa U Blei uba kum ma me, uba leh ïa kiba kum kita ki kam na ka bynta kito kiba ap kyrmen ha u.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

Ka Shithi U Paul Sha Ki Nong Rom 5:4

ka jingïaishah ka wallam ïa ka jingmynjur U Blei, bad ka jingmynjur jong u ka pynlong ka jingkyrmen.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

1 KORINTH 8:3

Hynrei ïa u briew uba ieit ïa U Blei la ithuh da u.

1 KORINTH 9:25

Man uwei pa uwei u nongïamareh uba don ha ka jingshah hikai, u pyndem ha ka jinghikai kaba pyrkhing, khnang ba yn pynphong da ka pansngiat sla dieng ka bymneh; hynrei ma ngi pat ngi ïaleh na ka bynta kata ka ban neh junom la junom.

DEUTERONOMI 13:3

U Trai U Blei jong phi u pyndonkam ïa u ban tynjuh ïa phi, ban khmih la phi ieit ne em ïa U Trai da ka dohnud jong phi baroh.

DEUTERONOMI 7:9

To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

2 TIMOTHI 2:15

To leh ïa kaba bha tam ban ïoh ïa ka jingpynksan ba-pura ha khmat U Blei, kum u nongtrei u bymlehraiñ ïa la ka kam, uta uba hikai beit ïa ka khubor jong ka jingshisha U Blei.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 10:32

To kynmaw kumno ka la long bad phi ha ka por mynshuwa. Ha kito ki sngi, hadien ba ka jingshai U Blei ka la tyngshaiñ ha phi, phi la shahshitom shibun kiei kiei, pynban phim shym la shahjop ha kata ka jingïaleh.

HEBRU 11:17

Dei ka jingngeit kaba pynlong ïa u Abraham ban ai kum ka jingkñia ïa u Isaak u khun jong u, mynba U Blei u la tynjuh ïa u Abraham. U Abraham u la long uta ïa uba U Blei u la ïateh kular, la katta ruh u long la kloi ban ai ïa la u khun marwei kum ka jingkñia.

HEBRU 12:5

Hato phi la klet noh ïa ki ktien pynshlur ïa kiba U Blei u la kren ha phi kum ïa la ki khun? “Ko khun jong nga, to pynleit jingmut haba U Trai u sneng pynbeit ïa phi, bad wat sngew noh mynsiem haba u sneng ïa phi.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JAKOB 5:11

Ngi khot ïa ki kiba suk namar ki la long kiba ïaishah. Phi la ïohsngew ïa ka jingïaishah u Job, bad phi tip kumno U Trai u la pyndap ïa u ha kaba kut. Naba U Trai u long uba dap da ka jinglehisynei bad jinglehsbun.

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.

1 PETROS 4:13

Pynban to shadkmen ba phi ïoh bynta lem ha ki jingshahshitom U Khrist, khnang ba phi lah ban long kiba dap da ka jingkmen haba ïa ka burom jong u yn pynpaw.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

1 ÏOANNIS 4:19

Ngi ieit namar U Blei u la ieit shuwa ïa ngi.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.