JAKOB 1:11 - Khasi CL Bible (BSI)

¹¹ Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

KA BAIBL

¹¹ Namar ka sngi ka mih lem bad ka lyer kaba shit, bad ka pynïap ryngkhiang ïa uta u phlang; te uta u syntiew jong u, u tlor noh, bad ka jingitynnad ka dur jong u ka jot noh: kumta ruh, uta u bariewspah un ïap ryngkhiang ha kita ki lynti jong u.

JAKOB 1:11 ပူးပေါင်းရင်းမြစ်များ

2 SAMUEL 22:46

Ki la duh ka jingshlur jong ki bad ki wan da kaba kyiuh na la ki jong ki kut.

SALM 102:11

Ka jingim jong nga ka la long kum ki syrngiew janmiet; nga la long kum u phlang ba-rkhiang.

SALM 102:4

Ïa nga la shoh kum ïa u phlangïap ba-rkhiang; nga la duh noh ïa ka jingkwah ban bam jingbam.

SALM 103:15

Kumba ka long, ka jingim jong ngi ka long kum u phlang, ngi san bad ngi roi kum u syntiew khlaw;

SALM 37:2

Shen shen kin sa jah noh kum u phlang ba-tyrkhong, ki ïapstai kum ki jingthung kiba jlop.

SALM 39:6

Baroh kaba u leh kam long ei ei; u lum spah, hynrei um tip uei u ban ïoh ïa ka.

SALM 90:6

Ngi long kum ki ñiut kiba khie lung mynstep, kiba san bad plung ban phuh; te ki tyrkhong noh bad ki ïapstai ynda janmiet.

EKLESIASTIS 5:15

Ngi ieh ïa kane ka pyrthei kumba ngi la wan rung sha ka — da kaba thylli. Nalor ka kam jong ngi baroh ym don kano kano kaba ngi lah ban rah bad ngi.

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

ISAÏAH 28:4

Ka burom jong kito ki nongïalam basarong ka nang jah noh kum ki soh Dumbur ba mih nyngkong jong ka aïom, ba la shim bad bam ïa ki tang shu ih.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

MATHAÏOS 13:6

Hynrei haba ka sngi ka la mih, ka thang ïa ki jingthung ba dang lung; bad namar ba ki thied kim da ngam jylliew bha, shen ki jingthung ki la ïap tyrkhong.

MATHAÏOS 20:12

‘Kine ki briew kiba la shah khot bylla khatduh ki la trei tang shi kynta,’ ki la ong, ‘katba ïa ngi la buh ha ka kam baroh shi sngi ha ka jingshit ka sngi — pynban me siew ïa ki kumjuh kumba me la siew ïa ngi!’

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MARKOS 4:6

Te haba ka sngi ka la shit, ka la thang noh ïa ki jingthung ba dang lung; bad namar ba ki thied kim da ngam jylliew bha, ki jingthung shen ki tyrkhong noh.

1 KORINTH 7:31

kito kiba pyndonkam ïa ki tiar ba ki ïoh, kumba kim shym lap miet ha kita. Naba kane ka pyrthei, kumba ka long mynta, kan ym neh slem.

1 PETROS 1:4

Kane ka pyndap ïa ngi da ka jingkyrmen ba-im, bad kumta ngi peit sha khmat ban ïohpdiang ïa ki jingkyrkhu kyrhai kiba U Blei u la buh na ka bynta ki briew jong u. U buh ïa ki ha bneng na ka bynta jong phi, ha kaba kim lah ban pyut lane duh noh lane sep noh.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.