ISAÏAH 9:9 - Khasi CL Bible (BSI)

⁹ Baroh ki paid Israel, uwei pa uwei baroh uba shong ba sah ha ka nongbah Samaria kin tip ba u la leh ïa kane. Mynta ki sngewsarong bad sngewmeng.

KA BAIBL

⁹ Bad u paidbah baroh un tip, wat u Ephraim bad uba shong ha Samaria, kiba ong ha ka jingsarong bad ka jingsngewkhraw ka dohnud,

ISAÏAH 9:9 ပူးပေါင်းရင်းမြစ်များ

1 SYIEM 22:25

“Phin sa shem haba phin leit shadien ka kamra ban rieh,” U Mikaïah u jubab.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

ISAÏAH 28:3

Ïa ka jingsarong jong kito ki nongïalam buaid yn ïuhroit hapoh ki kjat.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

ISAÏAH 7:2

Haba ka ktien ka la poi ha u syiem ka Judah ba ki kynhun shipai ka Syria ki la da don hapoh ka ri Israel, ma u bad ki briew jong u baroh ki la sngewshyrkhei shikatdei ha kaba ki la khynñiuh kum ki dieng ba la pynkhih da ka lyer.

ISAÏAH 9:8

U Trai u la pynbna ka jingbishar halor ka hima Judah, halor ki khun ki ksiew jong u Jakob.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

ESEKIEL 30:19

Haba nga pynshitom ïa ka Ijipt ha kane ka rukom, kin tip ba nga long U Trai.”

ESEKIEL 33:33

Hynrei haba ki ktien jong me ki wan urlong — bad kin wan urlong shisha — te kin sa tip ba pleng hapdeng jong ki u don u nongïathuhlypa.”

ESEKIEL 7:27

U syiem un ïam pangnud, u khun syiem un duh jingkyrmen, bad ki briew kin khynñiuh da ka jingsheptieng. Ngan pynshitom ïa phi na ka bynta baroh kaba phi la leh, bad ngan bishar ïa phi ha kajuh ka rukom kumba phi la bishar ïa kiwei. Kane kan pyn-i ha phi ba nga long U Trai.”

ESEKIEL 7:9

Ngan ym tyngkai ïa pha lane pyn-i kano kano ka jingisynei ïa pha. Ngan pynshitom ïa pha namar ki kam ijli kiba pha la leh, kumta phan sa tip ba nga long U Trai, bad dei ma nga uba pynshitom ïa pha.”

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

MALAKHI 1:4

Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”

MALAKHI 3:13

“Phi la ong ïa kiei kiei kiba shyrkhei shaphang jong nga,” ong U Trai. “Hynrei phi kylli, ‘Kaei ba ngi la ong shaphang jong me?’

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”