ISAÏAH 9:5 - Khasi CL Bible (BSI)

⁵ Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

KA BAIBL

⁵ Namar ka jingkieng atiar jong uba kieng atiar baroh ha kata ka jingkhihwin, bad ki jaiñkup kiba la saw hain da ka snam, kin long ïa ka ban thang, ka jingbam ka ding keiñ.

ISAÏAH 9:5 ပူးပေါင်းရင်းမြစ်များ

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 72:3

Ai ba ka ri kan lehkmen ha ka jingroi kyrhai; ai kan mad ïa ka hok.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

ISAÏAH 13:4

Shahshkor ïa ka jingriew halor jong u lumbah — ka jingsawa jong u paidbah byllien, ka jingsawa jong ki jaitbynriew bad ka jingïalumlang jong ki hima. U Trai jong ki nongïapom u la pynkhreh ïa ki shipai jong u na ka bynta ka thma.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 47:3

Kin ïohsngew ïa ki jingsawa ki jingjam jong ki kulai, ki jingriew jong ki kali ïapom, ki jingtyllun jong ki shaka. Ki kpa kin phai pat na ka bynta la ki khun; ki kti jong ki kin noh kyrwep.

JOEL 2:5

Katba ki kynthih halor ki lumbah, ki riew kum ki kali ïapom; ki sawa kum u phlangïap ha ka ding. Ki ïeng laiñ kum ka kynhun shipai bakhraw ban ïaleh thma.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

MIKAH 5:1

Ko ki briew ka Jerusalem, lumlang ïa la u paid! Ngi lah shah kerkut! Ki ïatur ïaleh ïa u nongïalam ki Israel!

NAHUM 3:2

To shahshkor! Ka jingsawa u shabuk, ka jingriew ki shalyntem, ka jingsawa ka jingïaid ki kulai, ka jingkynthih jong ki kali ïapom!

SEKHARAÏAH 6:13

U long ma u, u ban tei ïa ka bad ïohpdiang ïa ka burom kaba dei ïa u syiem bad un synshar ïa ki briew jong u. U lyngdoh un ïeng hajan ka khet jong u, bad kin ïatreilang ha ka jingsuk bad ha ka jingïasngewtynnat.’

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

KI KAM 2:19

Ngan leh ki kambah ha ka sahit bneng shajrong bad ïa ki jingphylla ha ka khyndew sha tbian. Kan don ka snam, ka ding, bad ka tdem kaba rben;

KI KAM 2:3

Nangta ki la ïohi ïa kaei kaba i kum ki thylliej ding kiba pur kylleng bad ktah ïa uwei pa uwei u briew hangta.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

NONGBISHAR 13:18

U angel u kylli, “Balei ba phi da kwah ban tip ïa ka kyrteng jong nga? Ka long ka kyrteng kaba phylla.”

1 SAMUEL 14:19

Katba u Saul u dang kren ha uta u lyngdoh, ka jingkulmar ha ka jaka sher dara ki Philistia ka nang kham jur; kumta u Saul u ong ha u, “Ym don por ban kylli ïa U Trai.”