ISAÏAH 9:3 - Khasi CL Bible (BSI)

³ Me la ai ha ki ka jingkmen kaba khraw, ko Trai; me la pynlong ïa ki ban kmen. Ki shadkmen ha kaei kaba me la leh kumba ki briew ki shadkmen haba ki ot kew lane haba ki ïabynta ïa ka spah ba la ïoh kurup.

KA BAIBL

³ Me la pynbun ïa kata ka jaid bynriew, me la pynroi ïa ka jingkmen jong ki: ki ïakmen ha khmat jong me kat ka jingkmen ha ka aïom ot, kat kiba shadkmen haba ki ïabynta ïa ka jinglute.

ISAÏAH 9:3 ပူးပေါင်းရင်းမြစ်များ

NEHEMAÏAH 9:23

Me ai ïa ki, ki khun kiba bun kat ki khlur ha sahit bneng, bad me la shah ïa ki ban jop bad ban shong ban sah ha ka ri kaba me la kular ha ki kpa tymmen ban ai ha ki.

Ka Kitab U Job 12:23

U pynlong ïa ki hima kiba khlaiñ bad kiba khraw, hynrei nangta u jop thiaw bad pynjot ïa ki.

SALM 107:38

U kyrkhu ïa ki briew jong u, bad ki don bun ki khun ki kti; u pynlong ba ki jingri jingdup jong ki kin ym duna.

SALM 119:162

Haduh katno nga kmen namar ki jingkular jong me — kumba kmen uno uno uba shem ka jingkynshew babun.

SALM 4:7

Hynrei ka jingkmen kaba me la ai ha nga ka kham bun ban ïa kaba kin ïoh da ki riewhadem bad ka waiñ jong ki.

ISAÏAH 10:26

Ma nga, U Trai Badonbor baroh, ngan sympat ïa ki da u shabuk jong nga kumba nga la sympat ïa ki briew jong ka Midian ha u Mawsiang Oreb. Ngan pynshitom ïa ka Assyria kumba nga la pynshitom ïa ka Ijipt.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 14:5

U Trai u la pynkut ïa ka bor jong ki nongsynshar basniew kiba banbeiñ da ka jingbitar ïa ki briew bad ki bym ju sangeh ban pynshitom beiñ ïa ki jaitbynriew kiba ki la jop.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 26:15

A Trai, me la pynlong ïa ka hima jong ngi ban roi, da kaba pynïar ïa ka ri ha baroh sawdong, bad kane ka la wallam ïa me ka burom.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 54:1

Ko Jerusalem, pha la long kum ka briew ka bym don khun, hynrei mynta pha lah ban rwai bad risa da ka jingkmen. Mynta phan sa ïoh kham bun ki khun ban ïa ka briew kaba u tnga jong ka um ju iehnoh ïa ka!

ISAÏAH 55:12

“Phin mihnoh na Babilon da ka jingkmen; yn ïalam ïa phi shabar ka nongbah ha ka jingsuk. Ki lumbah bad ki lumrit kin sawa da ka jingrwai, bad ki dieng kin pyrta da ka jingkmen.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 61:7

Ki jinglehrain bad jingjahburom jong phi kin kut noh. Phin sa shong ha la ka jong ka ri, bad ka spah jong phi kan roi ar shah; ka jingkmen jong phi kan neh bymjukut.

ISAÏAH 65:14

Kin rwai da kaba kmen, hynrei phi phin ïam ha ka jingpait dohnud.

ISAÏAH 65:18

To kmen bad to shadkmen junom ha kaei kaba nga thaw. Ka Jerusalem bathymmai kaba nga pynlong kan dap da ka jingkmen, bad ki briew jong ka kin shem sngewbha.

ISAÏAH 66:10

To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

JEREMAÏAH 31:7

U Trai u ong, “To rwai da ka jingkmen na ka bynta ki Israel, kiba khraw tam na ki jaitbynriew. To rwai ïa ka jingrwai jong ka jingïaroh jong phi, ‘U Trai u la pynim ïa la ki briew; u la pyllait im ïa baroh kiba dang sah.’

HOSIA 4:7

“Katba phi ki lyngdoh phi nang ïabun, katta phi nang leh pop pyrshah ïa nga; bad kumta ngan pynkylla ïa ka burom jong phi sha ka jingjahburom.

LEBITIKOS 26:13

Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

LOUKAS 11:22

Hynrei haba u briew uba kham khlaiñ u tur ïaleh ïa u bad jop ïa u, u kit noh ïa baroh ki tiar ïaleh kiba u trai u la shaniah bad u ïasam ïa kaei kaba u la lute.

KI KAM 8:8

Kumta la don ka jingkmen kaba khraw ha kata ka nongbah.

PHILIPPI 4:4

Ai ba phin shadkmen borabor ha U Trai; nga ban biang ïa ka: To ïakmen.

1 PETROS 1:8

Phi ieit ïa u, wat haba phim pat ïohi ïa u, bad phi ngeit ha u, wat la phim pat ïohi ïa u mynta. Te phi shadkmen da ka jingkmen kaba khraw bad kaba dap da ka burom kiba ki ktien kim lah ban batai,

NONGBISHAR 5:3

To sngap, phi ki syiem! Pynshahshkor, phi ki nongsynshar! Ngan rwai bad tem jingtem ha U Trai, U Blei ki Israel.

NONGBISHAR 7:22

Katba ki rangbah jong u Gideon ki dang put ïa la ki turoi, U Trai u la pynlong ïa ki kynhun shipai jong ki nongshun ban tur ïaleh para ma ki da la ki waitlam. Ki la mareh sha Sarethan haduh Beth Shittah, haduh ka nongrit jong ka Abel Meholah hajan ka Tabbath.

NONGBISHAR 8:12

Ki ar ngut ki syiem Midian, u Sebah bad u Salmunna, ki her ïap, hynrei u beh kthong ïa ki bad u ïohkem ïa ki, bad u pynkulmar thlim ïa ka kynhun shipai jong ki baroh kawei.

1 SAMUEL 30:16

Bad u leit ïalam ïa u Dabid sha ki. Ki nonglute ki saphriang kylleng ka jaka, ki da ïabam, ki da ïadih, bad ki da lehkmen, namar ki la ïoh lute shibun na ka ri ki Philistia bad na ka ri Judah.