ISAÏAH 9:16 - Khasi CL Bible (BSI)

¹⁶ Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

KA BAIBL

¹⁶ Naba kita kiba ju ïalam ïa une u paidlang ki pynïaid sakma ïa ki; bad ïa kiba la shah ïalam da ki la pynjot noh.

ISAÏAH 9:16 ပူးပေါင်းရင်းမြစ်များ

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

ISAÏAH 3:12

Ki nongai pisa kylliang ki banbeiñ ïa ki briew jong nga, bad ki nongai ram jong ki, ki thok ïa ki. Ko paidlang jong nga, ki nongïalam jong phi ki ïalam bakla ïa phi, khnang ba phin ym tip kano ka lynti ban phai pat.

HEBRU 7:7

Ym don jingartatien ba uta uba kyrkhu u kham khraw ban ïa uta uba shah kyrkhu.

2 KHRONIKL 30:27

Ki lyngdoh bad ki Lebi ki la kyrpad ïa ka jingkyrkhu jong U Trai halor u paidbah. Ha ka ïing jong u ha bneng, U Blei u la ïohsngew ïa ki jingduwai jong ki bad u la pdiang ïa ki.

ISAÏAH 19:14

U Trai u la pynlong ïa ki ban ai ka jingai jingmut kaba pynkulmar. Kaba mih nangta ka long ba ka Ijipt ka leh ïa kaei kaei baroh kaba bakla bad ka ïaid sheng sheng kum u briew uba buaid uba syntuid ha la ka jong ka prie.

JEREMAÏAH 23:13

Nga la ïohi ïa ka pop jong ki nongïathuhlypa ka Samaria ki la kren ha ka kyrteng u Baal bad ki la ïalam bakla ïa ki briew jong nga.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.