ISAÏAH 7:7 - Khasi CL Bible (BSI)

⁷ “Hynrei nga, U Trai, nga pynbna ba kane kan ym jia da lei lei.

KA BAIBL

⁷ kumne u ong U Trai U Blei: “ ‘Kan ym neh, bad kan ym long.

ISAÏAH 7:7 ပူးပေါင်းရင်းမြစ်များ

SALM 33:11

Hynrei ki jingthmu jong u ki neh junom, ki jingthmu jong u ki long pateng la pateng.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 28:18

Ka jingïateh kular kaba phi la pynlong bad ka jingïap yn pynduh, bad ïa ka jingïakut jong phi bad ka pyrthei kiba ïap yn pyndam noh. Haba ka jingjot ka sar, phin shahjop noh.

ISAÏAH 37:29

Nga la ïohpdiang ïa ka khubor jong kata ka jingbitar shla bad ka jingsarong jong me, bad mynta ngan buh ïa u khwai ha ka khmut jong me bad u bnoh ha ka shyntur jong me bad ngan pynphai pat na ka lynti ha kaba me la wan.”

ISAÏAH 7:1

Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

ISAÏAH 7:6

Ki la thmu ban hiarthma ïa ka Judah, ban pyntieng ïa ki briew ban ïasoh ha ka liang jong ki, bad nangta ban buh ïa u khun jong u Tabeel halor ka khet.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

SNGEWSYNEI 3:37

Tang ïa ka mon ka jong U Trai hi la ju ïai pyndep.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.