ISAÏAH 7:6 - Khasi CL Bible (BSI)

⁶ Ki la thmu ban hiarthma ïa ka Judah, ban pyntieng ïa ki briew ban ïasoh ha ka liang jong ki, bad nangta ban buh ïa u khun jong u Tabeel halor ka khet.

KA BAIBL

⁶ “Ïa ngin ïaleit kiew pyrshah ïa ka Judah ban kyntuit ïa ka, te ngin ïa-pynkyllon ïa ka ïa ngi, bad ngin thung syiem hapdeng jong ka, ïa u khun u Thabil keiñ:”

ISAÏAH 7:6 ပူးပေါင်းရင်းမြစ်များ

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

2 SYIEM 11:2

Tang u Joash u khun jong u Ahasaïah u lait im. U la jan shah pynïap ryngkat bad kiwei, hynrei la pyllait im ïa u da ka ñiakha jong u, ka Jehosheba, kaba long ka khun jong u syiem Jehoram bad ka bakha u Ahasaïah. Ka shim ïa u lem bad ka nongsumar jong u sha ka kamra thiah kaba don ha ka Templ bad ka la pynrieh ïa u na ka Athalaïah, kumta um shym la shah pynïap.

2 KHRONIKL 13:8

Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

2 KHRONIKL 21:7

hynrei U Trai um mon ban pynduh ïa ka longïing syiem jong u Dabid, namar u la lah pynlong ka jutang bad u Dabid bad ba u la kular ba ki khun ki ksiew jong u kin ïai bteng ban synshar.

2 KHRONIKL 28:5

Namar ba u syiem Ahas u la leh pop, U Trai U Blei jong u, u la shah ïa u syiem ka Syria ban jop ïa u bad ban ring koidi bun bah na ki Judia sha Damaskos. U Trai u la shah ruh ïa u Pekah u syiem ka Israel, u khun jong u Remalaïah, ban jop ïa u Ahas bad pynïap shi lakh arphew hajar ki shipai Judia kiba shlur bha tang hapoh shi sngi. U Trai U Blei jong ki kpa tymmen jong ki u la shah ïa kane ban jia, namar ki briew ka Judah ki la kyntait noh ïa u.

SALM 21:11

Ki pyrkhat ïa ki buit jong ki bad thmu sniew pyrshah ïa u, hynrei kin ym lah ban jop.

SALM 83:3

Ki ïathaw buit sianti pyrshah ïa ki briew jong me; ki ïasylla lang pyrshah ïa kito kiba me ïada.

PROBERB 19:21

Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

ISAÏAH 7:1

Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

ISAÏAH 7:5

Ka Syria, lem bad ka Israel bad u syiem jong ka, ki la pynlong ka jingïasylla.

ISAÏAH 7:7

“Hynrei nga, U Trai, nga pynbna ba kane kan ym jia da lei lei.

ISAÏAH 8:6

U ong, “Namar kine ki briew ki la kyntait ïa ki um bajai jai jong ka wahduid Shiloah bad khynñiuh ha khmat jong u syiem Resin bad u syiem Pekah,