ISAÏAH 7:4 - Khasi CL Bible (BSI)

⁴ Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

KA BAIBL

⁴ men ong ruh ha u, ‘To sumar ïa lade, bad shong khop; to wat sheptieng, bad wat ai la ka dohnud ban sngewsyier namar kine ki ar tylli ki tdong ki jingtbeh ding ba-tdem, namar ka jingbitar u Resin bad ka Syria, bad u khun u Remaliah.

ISAÏAH 7:4 ပူးပေါင်းရင်းမြစ်များ

2 SYIEM 15:27

Ha ka snem kaba sanphew ar jong ka jingsynshar u Ussaïah u Syiem ka Judah, u Pekah u khun jong u Remalaïah u long u syiem ka Israel, bad u synshar arphew snem ha Samaria.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

ISAÏAH 10:24

U Trai U Nongsynshar Badonbor Baroh u ong ha ki briew jong u kiba shong basah ha Seïon, “Wat sheptieng ïa ki nong Assyria, wat haba ki banbeiñ ïa phi kumba ki nong Ijipt ki la ju leh.

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

ISAÏAH 30:7

Ka jingïarap kaba ka Ijipt ka ai ka long ka bymmyntoi. Kumta nga la khot-sin ïa ka Ijipt, ‘U Ïakjakor bym lah pynmynsaw.’”

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 37:6

“U Trai u ïathuh ha phi ban ym shah ba ki Assyria kin pynkhaw-eit ïa phi da ki jingkob jong ki ba um lah ban pyllait ïa phi.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 7:1

Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

ISAÏAH 7:8

Balei? Namar ba ka Syria kam long kaba kham khlaiñ ban ïa ka Damaskos, ka nongbah jong ka, bad ka Damaskos kam long kaba kham khlaiñ ban ïa u Syiem Resin. Katba ïa ka Israel, hapoh ki hynriewphew san snem yn sa pynkhynñiuh ïa ka ruh ban lait im kum ka jaitbynriew.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

ISAÏAH 8:6

U ong, “Namar kine ki briew ki la kyntait ïa ki um bajai jai jong ka wahduid Shiloah bad khynñiuh ha khmat jong u syiem Resin bad u syiem Pekah,

SNGEWSYNEI 3:26

Kumta ka long kaba bha tam ïa ngi ban ap ha ka jingïaishah — ban ap ïa u ban pynim ïa ngi —

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

SEKHARAÏAH 3:2

U angel jong U Trai u la ong ha u Soitan, “To U Trai un pynrem ïa me, ko Soitan! To U Trai, uba ieit ïa ka Jerusalem, un pynrem ïa me. Une u briew u long kum u dieng ïa uba la sei noh na ka ding.”

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 24:6

Phin sa ïohsngew ïa ki jingsawa ki thma kiba hajan bad ïa ki khubor thma kiba sha jngai; hynrei wat khih khuslai. Kiba kum kine kiei kiei ki dei ban jia, hynrei kim mut ba kaba kut ka la poi.

DEUTERONOMI 20:3

‘To sngap, ko Israel! Mynta ka sngi phin leit ban ïaleh thma. Wat sheptieng ïa ki nongshun jong phi, wat noh mynsiem, lane wat sngew syier.

1 SAMUEL 17:32

U Dabid u ong ha u Saul, “Syiem Kynrad, mano mano ruh kim dei ban tieng ïa une u Philistia! Ngan leit ban ïaleh ïa u.”