ISAÏAH 7:3 - Khasi CL Bible (BSI)

³ U Trai u ong ha u Isaïah, “To shim ïa u Shear Jashub u khun jong me, bad khie leit ban ïakynduh ïa u Syiem Ahas. Men shem ïa u ha ka lynti ha kaba ki nongthain jaiñ ki treikam, ha kaba kut ka nala kaba wallam um na ka pung kaba haneng.

KA BAIBL

³ Te U Trai u la ong ha u Isaïah, “To mih noh mynta ban ïashem bad u Ahas, ma me bad u Shear-jashub u khun jong me, sha ka bakut ka nur ka pung kaba haneng, ha ka lynti bah ka lyngkha u nongpynlieh jaiñ;

ISAÏAH 7:3 ပူးပေါင်းရင်းမြစ်များ

2 SYIEM 16:1

Ha ka snem kaba khathynñiew jong ka jingsynshar u Pekah u khun jong u Remalaïah kum u syiem ka Israel, u Ahas u khun jong u Jotham u long u syiem ka Judah ha ka rta kaba arphew snem, bad u synshar ha Jerusalem khathynriew snem.

2 SYIEM 18:17

U patsha ka Assyria u phah ïa ka kynhun shipai kaba bun na Lakhish ban tur ïaleh ïa u Hesekaïah ha Jerusalem; hapoh ka jingai hukum ki lai ngut ki rangbah synshar ba-halor tam. Haba ki wan poi ha Jerusalem, ki pyndap ïa ka surok ha kaba ki nongthain jaiñ ki trei, hajan ka nur-um kaba wan tuid um na ka pung ba haneng.

2 SYIEM 20:20

Baroh kiei kiei kiba u syiem Hesekaïah u la leh, ki kam shlur jong u, bad ki jingïathuh ba kumno u la tei ïa ka jaka pynlang um bad u tih ïa ka nur ban wallam um sha ka nongbah, la buh jingthoh baroh ha Ka Histori Jong Ki Syiem Ka Judah.

NEHEMAÏAH 3:16

U Nehemaïah, u khun jong u Asbuk, u nongsynshar ïa shiteng jong ka Bethsur distrik, u tei ïa ka bynta kaba bud haduh ka jingtep u Dabid, ka pungsum bad jaka sah shipai.

EKSODOS 7:15

Kumta khie leit bad ïakynduh ïa u mynstep ha ka por ba u leit hiar sha ka wah Nile. Rah bad me ïa u diengduh ïa uba la pynkylla bseiñ, bad ap ïa u harud wah.

ISAÏAH 10:21

Khyndiat ngut ki paid Israel kin wan phai sha U Blei bakhlaiñbor jong ki.

ISAÏAH 22:11

Khnang ban pynlang ïa ka um, phi la shna ka jaka pynlang um hapoh jong ka nongbah ban bat ïa ka um kaba tuid na ka pung kaba rim. Hynrei phim shym la pynshahshkor ïa U Blei, uba la thmu ïa kane baroh la slem bah bad uba la pynurlong ïa ka.

ISAÏAH 36:2

Te u la hukum ïa u rangbah synshar jong u, uba ha khlieh ban leit na Lakhish sha Jerusalem lem bad ka kynhun shipai kaba khraw ban dawa ba u syiem Hesekaïah u dei ban pyndem. U rangbah synshar u ïeng ha ka surok ha kaba ki nongthain jaiñ ki treikam, harud ka nur kaba wanrah um na ka pung kaba haneng.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

JEREMAÏAH 22:1

U Trai u ong ïa nga ban leit sha ka ïing u syiem Judah, u khun jong u ksiew jong u Dabid, bad kren hangta ïa u syiem, ïa ki rangbah synshar bad ïa ki briew jong ka Jerusalem ban shahshkor ïa kaei kaba U Trai u la ong:

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;