ISAÏAH 7:18 - Khasi CL Bible (BSI)

¹⁸ “Haba kata ka por ka wan, U Trai un siaw kum ka dak ïa ki Ijipt ban wan kum ki skain na ki shnat kiba jngai eh jong ka wah Nile, bad ïa ki Assyria ban wan kum ki ngap na ka ri jong ki.

KA BAIBL

¹⁸ Te kan long ha kata ka sngi, ba U Trai un siaw ïa u skain uba ha ka bakut eh ki wah ka ri Ijipt, bad ïa u ngap uba ha ka ri Assyria.

ISAÏAH 7:18 ပူးပေါင်းရင်းမြစ်များ

SALM 105:31

U Blei u la hukum, bad ki skain bad ki mait ki la dap kylleng ïa ka ri baroh kawei.

SALM 118:12

Ki la ïaboi sawdong jong nga kum ki ngap, hynrei ki la ing duh kloi kum ka ding hapdeng ki shiah; da ka bor ka jong U Trai nga la pynjot ïa ki.

EKSODOS 8:21

Lada mem treh, ngan pynshitom ïa me da kaba phah ïa ki skain sha me, sha ki rangbah synshar jong me, bad sha ki briew jong me. Ki ïing jong ki nong Ijipt bad ka madan madiah baroh kin dap da ki skain suda.

EKSODOS 8:24

Bad U Trai u leh kumta; ki skain da ki kynhun bah ki wan rung hapoh ïing jong u Pharaoh bad hapoh ïing jong ki rangbah synshar jong u. Ka ri Ijipt baroh kawei ka julor ha kita ki skain.

ISAÏAH 13:5

Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 5:26

U Trai u ai dak ban khot ïa ka jaitbynriew na jngai. U siaw ïa ki ban wan na kiba kut ka pyrthei. Bad kine ki wan ha ka jingstet bad kloi lan.

ISAÏAH 7:17

“U Trai un wallam halor jong phi, halor ki briew jong phi, bad halor ka longïing syiem baroh kawei, ïa ki sngi jingjynjar kiba kham sniew ban ïa kano kano kaba lah wan naduh ba ka hima Israel ka la khlad na ka Judah — un wallam ïa u syiem ka Assyria.

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

DEUTERONOMI 1:44

Nangta ki Amor kiba shong ha kita ki lum ki la wan tur pyrshah ïa phi kumba beh u ngap. Ki la beh ïa phi shaduh Hormah, bad ki la jop ïa phi hangta ha ri lum Edom.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

DEUTERONOMI 7:20

Nalor kane U Trai uba U Blei jong phi un phah ruh ïa u kyieng hapdeng jong ki, bad un pynjot ïa kito kiba lait im bad kiba phet rieh.

JOSHUA 24:12

Katba phi nang tur sha khmat, nga la pynshaïong ïa ki khnang ban beh noh ïa ki ar ngut ki syiem Amor. Ki waitlam bad ki ryntieh jong phi kim ïadon bynta ei ei bad kane.