ISAÏAH 7:12 - Khasi CL Bible (BSI)

¹² U Ahas u jubab, “Ngan ym pan ïa ka dak. Nga kyntait ban tynjuh ïa U Trai.”

KA BAIBL

¹² Te u Ahas u la ong, “Ngan ym pan, bad ngan ym tynjuh ïa U Trai.”

ISAÏAH 7:12 ပူးပေါင်းရင်းမြစ်များ

2 SYIEM 16:15

Nangta u hukum ïa u Uriah: “Pyndonkam ïa kane ka duwan baheh jong nga na ka bynta ki jingainguh thang mynstep bad ïa ki jingainguh bam janmiet, na ka bynta ka jingainguh thang bad jingainguh bam jong u syiem bad ki briew, bad na ka bynta ki jingainguh waiñ jong ki briew. Theh halor jong ka ïa ka snam jong ki mrad baroh ïa kiba la kñia. Hynrei ieh ïa ka duwan rnong na ka bynta jong nga ban pyndonkam ïa kaba kyntang.”

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

ISAÏAH 7:11

“To pan na U Trai U Blei jong me ban ai ka dak ha me. Ka lah ban long na kaba jylliew ha ka pyrthei kiba ïap lane nang tei najrong eh jong ka bneng.”

ISAÏAH 7:13

U Isaïah u jubab ïa kata, “To shahshkor, mynta, ko ki khun ki ksiew jong u Syiem Dabid. Ka long kaba sniew eh ïa phi ban pynthait ïa ka jingïaishah jong ki briew — hato phi donkam ruh ban pynthait ïa ka jingïaishah ka jong U Blei?

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

KI KAM 5:9

Kumta u Petros u la ong ha ka, “Balei ba ma pha bad u tnga jong pha, phi kut jingmut ban tynjuh ïa U Mynsiem jong U Trai? Ki samla kiba la tep ïa u tnga jong pha ki la don mynta ha ka jingkhang, bad kin bah noh ïa pha ruh shabar!”

1 KORINTH 10:9

Ngim dei ban tynjuh ïa U Trai, kumba don na ki, kiba la leh kumta — bad la pynïap ïa ki da ki bseiñ.

DEUTERONOMI 6:16

“Wat tynjuh ïa U Trai U Blei jong phi, kumba phi la leh ha Massah.