ISAÏAH 7:11 - Khasi CL Bible (BSI)

¹¹ “To pan na U Trai U Blei jong me ban ai ka dak ha me. Ka lah ban long na kaba jylliew ha ka pyrthei kiba ïap lane nang tei najrong eh jong ka bneng.”

KA BAIBL

¹¹ “To da pan me ïa ka dak na U Trai U Blei jong me; pan ïa ka ha kaba jylliew, lane ha kaba jrong haneng.”

ISAÏAH 7:11 ပူးပေါင်းရင်းမြစ်များ

1 SYIEM 13:3

Bad u nongïathuhlypa u ïai kren ban ong, “Kane ka duwan kan pra phum bad ïa u dpei yn pynsaphred. Te phin tip ba U Trai u la kren lyngba jong nga.”

2 SYIEM 19:29

Nangta u Isaïah u ong ïa u syiem Hesekaïah, “Kane ka long ka dak ïa kaei ka ban sa jia. Mynta ka snem bad ha ka snem ka ban wan, men ïoh tang ïa ki kew khlaw ban bam, hynrei ha ka snem kaba bud men lah ban bet ïa u kew bad ot ïa u, bad ban thung ïa ki dieng sohwaiñ bad bam ïa ki sohwaiñ.

EKSODOS 7:9

“Lada u Pharaoh u dawa ba phin pynshisha ïa lade da kaba leh kambah, ong ïa u Aaron ban shim ïa la u diengduh bad bret ïa u ha khmat u Pharaoh, bad un sa kylla bseiñ.”

ISAÏAH 37:30

Te u Isaïah u la ong ha u syiem Hesekaïah, “Kane ka long ka dak ïa kaei ka ban jia. Kane ka snem bad hadien men ïoh tang u symboh kew khlaw ba men bam, hynrei ha ka snem kaba bud me lah ban bet ïa u kew jong me bad ban ot ïa u, bad men thung ki dieng sohwaiñ bad bam ïa ki sohwaiñ.

ISAÏAH 38:22

Te u syiem Hesekaïah u kylli, “Kaei ka dak ban pynshisha ba nga lah ban leit sha ka Templ?”

ISAÏAH 55:13

Ki dieng Kseh-Sypress kin san ha ka jaka kaba mynta ki don ki dieng shynraiñ; ki dieng Martl kin mih ha ka jaka ki shiah. Kane kan long ka dak ka ban neh junom, ka jingpynkynmaw ïa kaei kaba ma nga, U Trai, nga la leh.”

ISAÏAH 7:10

U Trai u phah sa kawei pat ka khubor sha u Ahas:

ISAÏAH 7:12

U Ahas u jubab, “Ngan ym pan ïa ka dak. Nga kyntait ban tynjuh ïa U Trai.”

JEREMAÏAH 19:1

U Trai u la bthah ïa nga ban leit bad thied uwei u khra khyndew. U la ong ruh ïa nga ban ïalam katto katne ngut ki tymmen ki san jong ki briew bad katto katne ngut ki lyngdoh ba la tymmen,

JEREMAÏAH 19:10

Nangta U Trai u la bthah ïa nga ban pynpait ïa u khra ha khmat jong ki rangbah kiba la ïaleit bad nga

JEREMAÏAH 44:29

Ma nga, U Trai, ngan ai ha phi ïa ka jingpynshisha ba ngan pynshitom ïa phi ha kane ka jaka bad ba ka jingkular jong nga ban wallam ïa ka jingpynjot ha phi kan urlong shisha.

LOUKAS 2:12

Bad kane ka long kaei ka ban pynshisha ïa kata ha phi: Phin shem ïa u khunlung uba la sop da ki jaiñsop bad uba thiah ha ka shyngoid.”