ISAÏAH 7:1 - Khasi CL Bible (BSI)

¹ Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

KA BAIBL

¹ Te ka la jia ha ki sngi u Ahas u khun u Jotham, u khun u Ussiah, u syiem ka Judah, ba u Resin u syiem ka Syria, bad u Pekah u khun u Remaliah, u syiem ki Israel, ki la leit kiew sha Jerusalem ban ïaleh thma ïa ka; hynrei, kim shym lah ban jop ïa ka.

ISAÏAH 7:1 ပူးပေါင်းရင်းမြစ်များ

2 SYIEM 15:25

U rangbah pynïaidkam jong ka kynhun shipai u Pekahaïah, u Pekah u khun jong u Remalaïah, ki ïasylla lem bad ki sanphew ngut ki rangbah na Gilead, ki pynïap ïa u Pekahaïah ha ka bynta bashapoh jong ka kynroh ka ïingsyiem ha Samaria, bad u long syiem ha ka jaka jong u.

2 SYIEM 15:27

Ha ka snem kaba sanphew ar jong ka jingsynshar u Ussaïah u Syiem ka Judah, u Pekah u khun jong u Remalaïah u long u syiem ka Israel, bad u synshar arphew snem ha Samaria.

2 SYIEM 15:37

Ka la jia ba katba u dang long syiem ba U Trai u phah nyngkong ïa u Resin u syiem ka Syria bad u Pekah u syiem ka Israel ban tur ïaleh ïa ka Judah.

2 SYIEM 16:1

Ha ka snem kaba khathynñiew jong ka jingsynshar u Pekah u khun jong u Remalaïah kum u syiem ka Israel, u Ahas u khun jong u Jotham u long u syiem ka Judah ha ka rta kaba arphew snem, bad u synshar ha Jerusalem khathynriew snem.

2 SYIEM 16:5

U Resin u syiem ka Syria bad u Pekah u syiem ka Israel ki tur ïaleh ïa ka Jerusalem bad ki kerkut ïa ka, hynrei kim shym lah ban jop ïa u Ahas.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 8:6

U ong, “Namar kine ki briew ki la kyntait ïa ki um bajai jai jong ka wahduid Shiloah bad khynñiuh ha khmat jong u syiem Resin bad u syiem Pekah,

ISAÏAH 9:11

U Trai u la pynkhih ïa ki nongshun jong ki ban tur ïaleh ïa ki.

ESEKIEL 27:16

Ki briew ka Syria ki la thied ïa ki mar khaïi bad ïa ki jingmih ba bun jong pha. Ki la ai ïa ki mawkordor Emerald, ki jaiñ bajngum, ki jingthain ba-itynnat, ki linen bakynsai, ki Koral, bad ki mawkordor Rubi kum ka jingsiew na ka bynta ki mar jong pha.

HOSIA 1:1

Kane ka long ka khubor ba U Trai u la ai ha u Hosia u khun jong u Beri, ha ki sngi mynba u Ussaïah, u Jotham, u Ahas, bad u Hesekaïah ki long ki syiem ha Judah, bad u Jeroboam u khun jong u Joash u long syiem ha Israel.

MIKAH 1:1

Ha ka por ba u Jotham, u Ahas, bad u Hesekaïah ki la long ki syiem ka Judah, U Trai u la ai ïa kane ka khubor ha u Mikah, uba na ka shnong Moresheth. U Trai u la pynpaw ha u Mikah ïa kine kiei kiei baroh shaphang ka Samaria bad ka Jerusalem.