ISAÏAH 66:5 - Khasi CL Bible (BSI)

⁵ To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

KA BAIBL

⁵ To sngap ïa ka ktien U Trai, phi kiba khynñiuh ha ka ktien jong u: “Ki para jong phi kiba shun ïa phi, kiba la shop noh shabar ïa phi na ka bynta ka kyrteng jong nga, ki la ong, ‘Ai ba yn pyndonburom ïa U Trai, ba ngin ïohi ïa ka jingkmen jong phi;’ ki, hynrei, kin sngewlehrain.

ISAÏAH 66:5 ပူးပေါင်းရင်းမြစ်များ

1 SYIEM 21:29

“Me la ïohi ne em kumno u Ahab u la pynrit ïa lade ha khmat jong nga? Namar ba u la leh kumne, ngan ym pynjot ïa u katba u dang im; kan long ha ka pateng u khun jong u, ba ngan wallam ka jingjot ha ka longïing jong u Ahab.”

2 SYIEM 22:10

Bad nangta u ong, “Nga don hangne ka Kitab kaba u Hilkaïah u ai ha nga.” Bad u pule jam ïa ka ha u syiem.

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

ESRA 9:4

Nga shong hangta ha ka jingsngewsih haduh ynda la janmiet, ka por ban ai ïa ki jingkñia, bad ki briew ki sdang ban ïalum sawdong ïa nga — baroh kito kiba la sheptieng ïa kaei kaba U Blei ki Israel u la lah ong shaphang ki pop jong kito kiba la wan phai na ka jingshah ringmraw.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 38:20

Kito kiba siew kylliang da kaba sniew ïa kaba bha ki pyrshah ïa nga namar nga pyrshang ban leh ïa kaba dei.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

JINGRWAI SOLOMON 1:6

Wat khmih beiñ ïa nga namar ka rong sniehdoh jong nga, namar ba ka sngi ka la pynkylla rong ïa nga. Ki shynrang kiba shi para bad nga ki bitar ïa nga bad ki pyntrei ïa nga ha ka bri sohwaiñ. Ngam don por ban sumar ïa lade.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 36:16

Hadien ba u la lah pule ïa ka, ki la ïaphai uwei sha uwei pat ha ka jingsngew sheptieng, bad ki la ong ha u Barukh, “Ngi dei ban ïathuh ïa kane ha u syiem.”

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

LOUKAS 13:17

Ka jingjubab jong u ka pynlong ïa ki nongshun jong u ban sngewlehrain ïa lade, katba ki briew ki la risa ha kiei kiei baroh kiba phylla kiba u la leh.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

ÏOANNIS 9:34

Ki la jubab, “La kha bad la pynsan ïa me hapoh ka pop — bad me pyrshang ban hikai ïa ngi?” Bad kumta ki la beh noh ïa u na ka synagog.

2 THESSALONI 1:12

Ha kane ka rukom ka kyrteng jong U Jisu uba U Trai jong ngi kan ïohpdiang ïa ka burom na phi, bad ma phi na u, da ka jingaiei jong U Blei jong ngi bad jong U Jisu Khrist uba U Trai.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 ÏOANNIS 3:13

Phi wat sngewlyngngoh, ko ki para jong nga, lada ki briew jong ka pyrthei ki isih ïa phi.