ISAÏAH 66:4 - Khasi CL Bible (BSI)

⁴ Kumta ngan wallam jingjot halor jong ki — Ïa kita kiei kiei kiba ki sheptieng — namar ym don uwei ruh uba jubab haba nga khot lane shahshkor haba nga kren. Ki jied ban ïaleh pyrshah ïa nga bad leh ïa kaba sniew.”

KA BAIBL

⁴ nga ruh ngan jied ïa ki jingshukor jong ki, ngan pynwan ruh ki jingsheptieng jong ki halor jong ki; namar haba nga la khot, ym don ba phai ktien; haba nga la kren kim shym pynsngew: hynrei, ki la leh ïa kata ka basniew ha khmat jong nga, bad ki la jied ïa kata ha kaba ngam shym la sngewbha.”

ISAÏAH 66:4 ပူးပေါင်းရင်းမြစ်များ

2 SYIEM 21:2

Da kaba bud ïa ki jingleh ba-ijli jong ki jaitbynriew kiba U Trai u la beh noh na ka ri katba ki briew jong u ki tur shaphrang, U Manasseh u la leh pop pyrshah ïa U Trai.

2 SYIEM 21:6

U kñia ïa la u khun kum ka jingainguh thang. U khan bad u leh myntor, bad u ïasyllok bad ki nongpeit kti bad ki nongleh byrtong. U la leh pop palat pyrshah ïa U Trai bad pynkhih bitar ïa u.

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

PROBERB 1:24

Nga ïai pyrta ïa phi, nga da khot sngewbha ba phin wan, hynrei phim sngap. Phim shahshkor satia ïa nga.

PROBERB 10:24

Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

ISAÏAH 59:15

Ka jinglonghok ka la nang duna katta katta ba uno uno uba kiar na kaba leh bymman u shem ïa lade ba u long u lanot jong ka kam runar.” U Trai u la ïohi ïa kane, bad ka la pynsngewsih ïa u ba ym don shuh ka jingbishar hok.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

ISAÏAH 65:12

Kan dei ka kupar jong phi ban ïap ka jingïap bashyrkhei, namar phim shym la jubab haba nga khot ïa phi lane shahshkor haba nga kren. Phi jied ban ïaleh pyrshah ïa nga bad leh ïa kaba sniew.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

ISAÏAH 65:3

Kim lehrain satia ban ïai pynbitar ïa nga. Ki ai jingkñia sha ki blei thala ha ki kper bakyntang bad thang jingiwbih ha ki duwan ba-thala.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

ESEKIEL 11:8

Hato phi sheptieng ïa ki waitlam? Ngan wallam ïa ki briew ryngkat bad ki waitlam ban tur ïaleh ïa phi.

ESEKIEL 14:4

“Mynta to kren ha ki bad to ïathuh ïa ki ïa kaei kaba ma nga, U Trai Nongsynshar, nga ong ha ki: Uwei pa uwei u Israel uba la ai ïa la ka dohnud ha ki bleithaw bad shah ïa ki ban ïalam ïa u sha ka pop bad nangta uba wan ban kylli na u nongïathuhlypa, un ïoh ka jubab na nga — ka jubab kaba ki bleithaw jong u ki dei hok ban ïoh!

ESEKIEL 20:25

“Nangta nga la ai ha ki ïa ki aiñ ki bym long kiba bha, bad ïa ki hukum ki bym lah ban wanrah jingim.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

1 SAMUEL 8:19

Ki briew kim shahshkor ïa u Samuel, hynrei ki ong, “Em! Ngi kwah da u syiem,