ISAÏAH 66:3 - Khasi CL Bible (BSI)

³ “Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

KA BAIBL

³ “Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

ISAÏAH 66:3 ပူးပေါင်းရင်းမြစ်များ

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

ISAÏAH 44:19

U nongshna ïa ki bleithaw um don ka jingpuson ne ka jingshemphang ban ong, “Khyndiat na ka dieng nga thang duh. Nga shet khyndiat u kpu halor ki rnga bad nga syang doh bad nga la bam ïa ka. Bad kaba sah na ka dieng nga shna bleithaw. Hangne nga don ban nguh dem ïa u dieng tylli!”

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

ISAÏAH 65:12

Kan dei ka kupar jong phi ban ïap ka jingïap bashyrkhei, namar phim shym la jubab haba nga khot ïa phi lane shahshkor haba nga kren. Phi jied ban ïaleh pyrshah ïa nga bad leh ïa kaba sniew.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

ISAÏAH 66:17

U Trai u ong, “Kaba kut ka la jan ïa kito kiba pynkhuid ïa lade na ka jingmane ba-thala, kiba ïaid paidbah ha ka kynhun sha ki kper bakyntang, bad kito kiba bam ïa ka doh sniang, bad ïa ka doh khnai bad kiwei pat ki jingbam ba-ijli.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

HAGGAI 2:14

Nangta u Haggai u la ong, “U Trai u ong ba kata kajuh kaei kaei ka treikam ha ki briew jong kane ka hima bad ha baroh kiei kiei ba ki pynmih; bad baroh ba ki ai ha ka duwan ka long ba la pyntngit.”

DEUTERONOMI 14:8

Wat bam ïa ki sniang. Ñiew ba ki long ki bymkhuid; ki pait khnap, hynrei kim ktha ar sien. Ïa ka doh jong kine ki jait mrad phim bit ban bam, bad ïa ki metïap jong ki phim bit ban ktah.

DEUTERONOMI 23:18

Nalor kata, ym dei ban wanrah ïa ka kamai nuti, la ka dei ka jong u shynrang ne ka kynthei, sha ka ïing U Trai U Blei jong phi kum ka jingpyndep ïa kano kano ka jingsmai, namar U Trai u isih ïa ki nuti ha ka jaka mane blei.

NONGBISHAR 10:14

Khie leit kyang jam sha ki blei kiba phi la jied. Ai ba kita kin pyllait ïa phi ha ka por ba phi jynjar.”

NONGBISHAR 21:25

Ym shym la don syiem ha Israel ha kata ka por. Uwei pa uwei u leh katba u sngewbha.

NONGBISHAR 5:8

Nangta la don ka thma ha ka ri, Haba ki Israel ki jied ki blei thymmai. Na ki sawphew hajar ngut ki rangbah ha Israel Don mano mano ba rah ïa ka stieh ne u sum?