ISAÏAH 66:18 - Khasi CL Bible (BSI)

¹⁸ Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

KA BAIBL

¹⁸ “Namar nga tip ïa ki kam jong ki bad ïa ki jingmut jong ki: ka por ka wan ba ngan ïalum lang ïa ki jaid bynriew bad ïa ki thylliej baroh; te kin wan, bad kin ïohi ïa ka burom jong nga.

ISAÏAH 66:18 ပူးပေါင်းရင်းမြစ်များ

Ka Kitab U Job 42:2

Nga tip, A Trai, ba me long uba khrawbor tam; ba me lah ban leh ïa kaei kaei baroh kaba me kwah.

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

SALM 67:2

ba kumta ka pyrthei baroh kawei kan tip ïa ka mon jong me; ba kumta ki jaitbynriew baroh kin tip ïa ka jingpynim jong me.

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 82:8

To wan, A Blei, bad to synshar ïa ka pyrthei; baroh ki jaitbynriew ki long ki jong me!

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

SALM 94:11

U Trai u tip ïa kaei kaba ki pyrkhat; u tip katno ki long ki bymshemphang ha kaba pynshong nongrim.

SALM 97:6

Ki bneng ki pynbna ïa ka hok jong u, bad ki jaitbynriew baroh ki ïohi ïa ka burom jong u.

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

ISAÏAH 37:28

Hynrei nga tip lut shaphang jong me, kaei ba me leh bad shano me leit, bad nga tip kumno ba me bitar shla pyrshah ïa nga.

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 55:8

“Ki jingmut jong nga,” ong U Trai, “kim long kum ki jong phi, bad ki lynti jong nga ki ïapher na ki jong phi.

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

ISAÏAH 57:12

Phi pyrkhat ba kaei kaba phi leh ka long kaba dei, hynrei ngan pynpaw ïa ki jingleh jong phi, bad ki bleithaw jong phi kin ym lah ban ïarap ei ei ïa phi.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

ISAÏAH 66:10

To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

ESEKIEL 38:10

Kane ka long kaei kaba U Trai Nongsynshar u ong ïa u Gog: “Haba kata ka por ka la poi, men sa sdang pyrkhat ïa ka buit sniew.

ESEKIEL 39:21

U Trai u la ong, “Ngan shah ïa ki jaitbynriew ba kin ïohi ïa ka burom jong nga; bad ngan pynpaw ha ki kumno nga pyndonkam ïa ka bor jong nga ban pyndep ïa ki jingrai bahok jong nga.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

SEKHARAÏAH 14:16

Nangta baroh na kiba lait im na ki jaitbynriew kiba la tur ïaleh ïa ka Jerusalem kin leit shata man la ka snem ban mane ïa U Trai Badonbor Baroh kum u syiem bad ban rakhe ïa ka Jingkhawai Niam Ki Ïingtrep.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 12:25

U Jisu u la tip ïa kaei kaba ki pyrkhat, kumta u la ong ha ki, “Kano kano ka ri kaba phiah ïa lade ha ki kynhun kiba ïaleh kawei ïa kawei pat kan ym neh slem. Bad kano kano ka shnong lane ka longïing kaba phiah ïa lade ha ki kynhun kiba ïaleh kawei ïa kawei pat kan khyllem ha ka jingpra.

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

LOUKAS 5:22

U Jisu u la tip ïa ki jingpyrkhat jong ki bad u la ong ha ki, “Balei phi pyrkhat kum ïa kita kiei kiei?

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 5:42

Hynrei nga tip kiba kumno ki briew phi long, bad nga tip ba phim don ka jingieit ïa U Blei ha ki dohnud jong phi.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

1 KORINTH 3:20

bad kawei pat ka Jingthoh Bakhuid ka ong, “U Trai u tip ba ki jingpyrkhat jong kiba stad ki long ki bymdondor ei ei.”

DEUTERONOMI 31:21

bad shibun ki jingjynjar kiba ishyrkhei kin wan ngat ha ki. Hynrei ïa kane ka jingrwai yn dang ïai rwai, bad ka kan ïeng kum ka sakhi pyrshah ïa ki. Wat mynta hi, shuwa ba ngan ïalam ïa ki sha kata ka ri ba nga la kular ban ai ha ki, nga tip aïu ki pyrkhat.”

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:2

Nga tip ïa kaei kaba pha la leh; nga tip katno pha la trei shitom bad katno pha la long kaba ïaishah. Nga tip ba pham lah ban shah ïa ki briew kiba sniew bad ba pha la tynjuh ïa kito kiba ong ba ki dei ki apostol hynrei kim dei, bad pha la shem ba ki long kiba lamler.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!