ISAÏAH 66:14 - Khasi CL Bible (BSI)

¹⁴ Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

KA BAIBL

¹⁴ Te phin sa ïohi, bad ka dohnud jong phi kan shadkmen, ki shyieng jong phi ruh kin man bha kum u phlang bakhie lung: te ïa ka kti U Trai sha ki shakri jong u yn pynithuh, bad un sa bitar lep pyrshah ïa ki nongshun jong u.

ISAÏAH 66:14 ပူးပေါင်းရင်းမြစ်များ

ESRA 8:18

Da ka jingaiei U Blei, ki phah sha ngi ïa u Sherebaïah, u briew uba tbit, u Lebi na ka kur u Mahli, bad khatphra ngut na ki khun shynrang jong u bad ki para, ki wan bad u.

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

ESRA 8:31

Ka la long ha ka sngi kaba khat-ar jong u bnai banyngkong ba ngi la mihnoh na ka nur-um Ahaba ban leit sha Jerusalem. U Blei jong ngi u la long ryngkat bad ngi bad u la ïada ïa ngi na ki jingtur ïaleh ki nongshun bad na ki jingapthap katba ngi dang ïa-ïaid ha ka lynti.

SALM 107:42

Kiba hok ki ïohi ïa kane bad ki kmen, hynrei ïa baroh kiba bymman la pynsngap jar.

PROBERB 17:22

Kaba dap da ka jingkmen ka pynlong ïa phi ban shait ban khlaiñ. Ban sngewdiaw man ka por ka long ka jingïap suki pa suki.

PROBERB 3:8

Lada phi leh kumta, kan long kum ka dawai kaba bha, kaba pynkoit ïa ki jingmong jong phi bad pynjem ïa ki jingpang jong phi.

ISAÏAH 10:5

U Trai u ong, “Ko Assyria! Nga pyndonkam ïa ka Assyria kum u dieng tangon ban pynshitom ïa kito kiba nga bitar.

ISAÏAH 13:5

Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

ISAÏAH 26:20

To rung shapoh ki ïing jong phi, ko ki briew jong nga, bad to khang ïa ka jingkhang shadien jong phi. To buhrieh ïa lade katto katne por haduh ba ka jingbitar U Blei kan kut.

ISAÏAH 30:27

Ïa ka bor bad ka burom U Trai yn ïohi naduh na sha jngai. Ka ding bad ka tdem ki pyn-i ïa ka jingbitar jong u. U kren, bad ki ktien jong u ki meh kum ka ding.

ISAÏAH 33:20

Khmih ïa ka Seïon, ka nongbah ha kaba ngi rakhe ïa ki Jingkhawai Niam jong ngi. Peit ïa ka Jerusalem! Katno ka long ka jaka kaba shngain ban shong ban sah ha ka! Kan long kum ka ïingjaiñ ïa kaba yn ym pynkynriah shuh, kiba ïa ki snar ym shym la phut noh, bad ïa ki tyllai ym shym la pyndkut.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 41:20

Ki briew kin ïohi ïa kane bad kin tip ba nga, U Trai, nga la leh ïa ka. Kin wan ban tip ba U Blei bakhuid ki Israel u la pynlong ïa ka ban jia.”

ISAÏAH 42:13

U Trai u leit mih ban ïaleh kum u riewkieng atiar; u long uba la kloi bad kwah eh ban ïaleh thma, u kyang-thma, u pyrta ban ïaleh thma; u pyn-i ïa la ka bor pyrshah ïa la ki nongshun.

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

SEKHARAÏAH 10:7

Ki paid Israel kin long kiba khlaiñ kum ki shipai, kiba kmen kum ki rangbah kiba la dih waiñ. Ki khun ki ksiew jong ki kin kynmaw ïa kane ka jingjop bad kin kmen namar kaei kaba U Trai u la leh.

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

ÏOANNIS 16:22

Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!