ISAÏAH 66:12 - Khasi CL Bible (BSI)

¹² U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

KA BAIBL

¹² Namar kumne u ong U Trai, “Ha khmih, ngan pynïar ïa ka jingsuk ha ka kum ka wah, bad ka burom ki jaid bynriew kum ka wah bashlei, te phin buiñ na ka; yn kynthup ïa phi ha ka krung, bad yn thum halor ki khohsiew.

ISAÏAH 66:12 ပူးပေါင်းရင်းမြစ်များ

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

ISAÏAH 33:21

U Trai un pyn-i ha ngi ïa ka burom jong u. Ngin shong ngin sah harud ki wah bad ki wahduid kiba ïar, hynrei ki liengbah jong ki nongshun kin ym ïaid ha ki.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 54:3

Phan sa pynïar ïa ki pud sawdong na baroh ki liang; ki briew jong pha kin ïoh pat ïa la ka ri ïa kaba kiwei pat ki jaitbynriew ki la shim. Ki nongbah kiba la ieh kynjah yn pyndap pat da ki briew.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

ISAÏAH 61:6

bad ïa phi yn khot ki lyngdoh U Trai, ki shakri jong U Blei jong ngi. Phin sa lehkmen ïa ka spah ki jaitbynriew, bad phin sa sngewsarong ba ka dei ki jong phi.

ISAÏAH 66:11

Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

HAGGAI 2:9

Ka Templ kaba bathymmai kan kham iphuh ban ïa kaba rim, bad hangta ngan ai ha ki briew jong nga ïa ka jingdap kyrhai bad ka jingsuk.” U Trai Badonbor Baroh u la kren.