ISAÏAH 66:11 - Khasi CL Bible (BSI)

¹¹ Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

KA BAIBL

¹¹ ba phin ïoh buiñ bad phin sngewkdang da ki jymbuiñ ki jingpyntngen jong ka; ba phin ïoh pynmih buiñ, bad ba yn pynsngewbha ïa phi da ka jingdap kyrhai ka burom jong ka.”

ISAÏAH 66:11 ပူးပေါင်းရင်းမြစ်များ

SALM 36:8

Ngi khawai ha ka jingpahuh ka jingbam ba me ai; me ai ïa ngi ban dih na ka wah ka jingbha jong me.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

ISAÏAH 60:2

Ïa kiwei pat ki ri yn tap da ka jingdum, hynrei ha phi ka jingshai U Trai ka tyngshaiñ; ka jingphyrnai ka jingdon ryngkat jong u kan long bad phi.

ISAÏAH 60:5

Phin sa ïohi ïa kane bad yn pyndap da ka jingkmen. Phin khynñiuh da ka jingsngewkmen. Ki spah jong ki jaitbynriew yn wallam sha pha; na shiliang ka duriaw ki spah jong ki kin wan.

ISAÏAH 62:2

Ko Jerusalem, ki jaitbynriew kin ïohi ba pha ïoh ka jingjop! bad ki syiem jong ki baroh kin ïohi ïa ka burom jong pha. Yn khot ïa pha da ka kyrteng kaba thymmai, ka kyrteng ba U Trai hi u ai.

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.