ISAÏAH 66:10 - Khasi CL Bible (BSI)

¹⁰ To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

KA BAIBL

¹⁰ “To shadkmen bad ka Jerusalem, bad to leh kmen namar jong ka, phi kiba ieit ïa ka baroh: to shadkmen bad ka namar kaba kmen, phi baroh kiba ïam na ka bynta jong ka:

ISAÏAH 66:10 ပူးပေါင်းရင်းမြစ်များ

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

SALM 137:6

To ai ba ngan nym lah shuh ban rwai biang lada ngam kynmaw ïa pha, lada ngam pyrkhat ïa pha kum ka jingkmen bakhraw tam jong nga!

SALM 26:8

Nga ieit ïa ka ïing ha kaba me shong, A Trai, ka jaka ha kaba ka burom jong me ka don.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 65:18

To kmen bad to shadkmen junom ha kaei kaba nga thaw. Ka Jerusalem bathymmai kaba nga pynlong kan dap da ka jingkmen, bad ki briew jong ka kin shem sngewbha.

ISAÏAH 9:3

Me la ai ha ki ka jingkmen kaba khraw, ko Trai; me la pynlong ïa ki ban kmen. Ki shadkmen ha kaei kaba me la leh kumba ki briew ki shadkmen haba ki ot kew lane haba ki ïabynta ïa ka spah ba la ïoh kurup.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”