ISAÏAH 66:1 - Khasi CL Bible (BSI)

¹ U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

KA BAIBL

¹ Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

ISAÏAH 66:1 ပူးပေါင်းရင်းမြစ်များ

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

1 KHRONIKL 28:2

U Dabid u ïeng ha khmat jong ki, bad u ong, “Ko ki para ri jong nga, to shahshkor ïa nga. Nga la kwah ban tei ka ïingshong neh ïa ka Synduk ka Jutang, ka jingïuhkjat jong U Trai U Blei jong ngi. Nga la pynkhreh ban tei ïa ka Templ ban ai burom ïa u,

2 KHRONIKL 2:5

Nga thmu ban tei ka Templ kaba khraw, namar U Blei jong ngi u kham khraw ban ïa uno uno uwei pat u blei.

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

SALM 11:4

U Trai u don ha ka Templ bakhuid jong u; u don ka khet jong u ha bneng; u khmih ïa ki briew hangno hangno haba ki don, bad u tip ki ïaleh aïu.

SALM 132:7

Ngi la ong, “Ïa ngin ïaleit sha ka ïing U Trai; to ngin mane ha khmat ka khet jong u!”

SALM 99:9

To ïaroh ïa U Trai U Blei jong ngi, bad to mane ha u lum bakyntang jong u! U Trai U Blei jong ngi u long uba khuid.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 60:13

“Ïa ki dieng jong u dieng Kseh, u dieng Kseh-Juniper, bad u dieng Kseh-Sypress, ki dieng kiba kynsai tam jong ka khlaw Lebanon yn wallam ban tei biang ïa pha, ko Jerusalem, ban pynitynnat ïa ka Templ jong nga, ban pyndonburom ïa ka nongbah jong nga.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 12:6

Nga ong ha phi ba ka don kaei kaei hangne kaba kham khraw ban ïa ka Templ.

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”

KI KAM 17:24

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.