ISAÏAH 64:3 - Khasi CL Bible (BSI)

³ Ka la don ka por mynba me wan bad leh ïa kiei kiei kiba shyrkhei kiba ngim shym khmih lynti; ki lumbah ki ïohi ïa me bad ki khynñiuh da ka jingsheptieng.

KA BAIBL

³ Mynba me la leh ïa kiei kiei kiba shyrkhei kiba ngim shym la khmih lynti, me la wan hiar, ki lum ki la tuid noh ha khmat jong me.

ISAÏAH 64:3 ပူးပေါင်းရင်းမြစ်များ

2 SAMUEL 7:23

Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

SALM 106:22

Haduh katno ki kam baphylla u la leh hangta! Haduh katno ki kam baphylla u la leh ha ka Duriaw Basaw!

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 66:5

To wan bad peit aïu U Blei u la leh, ki kam baphylla jong u hapdeng ki briew.

SALM 68:8

ka khyndew ka khynñiuh, bad ka suiñbneng ka pynhap slap, namar ka jingwan jong U Blei u Lum Sinai, ka jingwan jong U Blei ki Israel.

SALM 76:12

u pyndem ïa ki khun syiem shynrang kiba sarong, bad u pynshyrkhei ïa ki syiem kiba khraw.

EKSODOS 34:10

Te U Trai u ong ha u Moses, “Mynta nga pynlong ka jutang bad ki paid Israel. Ha khmat jong ki ngan leh ïa kiei kiei kiba khraw, ïa kiba ym pat ju leh mynno mynno ha ka pyrthei hapdeng kano kano ka jaitbynriew. Baroh ki jaitbynriew kin ïohi ïa ki kam kiba khraw kiba ma nga, U Trai nga lah ban leh, namar ngan leh ïa kaei kaei kaba khraw na ka bynta jong phi.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 64:1

Balei ba mem kad arliang ïa ka sahit bneng bad wan hiar? Ki lumbah kin ïohi ïa me bad khynñiuh da ka jingsheptieng.

HABAKKUK 3:3

U Blei u wan biang na Edom; U Blei bakhuid u wan na ki lumrit ka Paran. Ka burom jong u ka dap ïa ki bneng, bad ka pyrthei ka dap da ka jingïaroh ïa u.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

DEUTERONOMI 10:21

U long uba phi dei ban ïaroh — u long U Blei jong phi; bad phi la ïohi da la ki khmat ïa ki kam kiba khraw bad kiba phylla kiba u la leh na ka bynta jong phi.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.