ISAÏAH 61:8 - Khasi CL Bible (BSI)

⁸ U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

KA BAIBL

⁸ Namar nga U Trai nga ieit ïa ka jingbishar, nga isih ïa ka jingtuh bad ka bymhok; te ngan ai ïa ka nong jong ki ha ka jingshisha, bad ngan pynlong ka jutang ba ha la ka rta bad ki.

ISAÏAH 61:8 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

SALM 105:10

U Trai u la pynlong ïa ka jutang bad u Jakob, ka jutang ka ban neh junom.

SALM 11:7

U Trai u long uba hok, bad u ieit ïa ki kam babha; kito kiba leh ïa ki kin im ha ka jingdon ryngkat jong u.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

SALM 33:5

U Trai u ieit ïa ka hok bad ka jingbishar hok; ka jingieit baneh jong u ka pyndap ïa ka pyrthei.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

SALM 50:5

U ong, “To ïalumlang ha nga ïa ki briew baïaineh jong nga, kito kiba la pynlong ïa ka jutang bad nga da kaba ainguh da ka jingkñia.”

SALM 62:10

Wat buh ïa la ka jingshaniah ha ka jinglehbor; wat kyrmen ban ïoh myntoi ei ei da ka jinglute; wat haba ka spah jong phi ka roi, wat shaniah ha ka.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

ISAÏAH 28:17

Ka jingbishar hok kan long u 'sai-thew na ka bynta ka nongrim, bad ka jinglehhok kan long u 'sai-sawar jong ka.” U phria un sar noh ïa baroh ki jingshukor ha kiba phi shaniah, bad ki jingshlei kin pynjot ïa ki jingsngewshngain jong phi.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 5:16

Hynrei U Trai Badonbor Baroh u pyn-i ïa ka jingkhraw jong u da kaba leh ïa kaba dei, bad u pynpaw ïa ka jingkhuid jong u da kaba bishar ïa la ki briew.

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 56:1

U Trai u ong ha ki briew jong u, “Leh ïa kaei kaba hok bad kaba dei, naba shen ngan pynim ïa phi.

ISAÏAH 66:22

“Kumba ka khyndew bathymmai bad ki bneng kiba thymmai, kin ïaisah da ka bor jong nga, kumta ruh ki khun ki ksiew jong phi bad ka kyrteng jong phi kin ïaisah.

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

ESEKIEL 16:60

Hynrei ngan pyndonburom ïa ka jutang kaba nga la pynlong bad pha mynba pha dang samla, bad ngan pynlong ka jutang bad pha ka ban neh junom.

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

MALAKHI 1:13

Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi?

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

2 THESSALONI 3:5

Ai ba U Trai un ïalam ïa phi sha ka jingshemphang ba kham khraw jong ka jingieit U Blei bad sha ka jingïaishah kaba la ai da U Khrist.