ISAÏAH 61:7 - Khasi CL Bible (BSI)

⁷ Ki jinglehrain bad jingjahburom jong phi kin kut noh. Phin sa shong ha la ka jong ka ri, bad ka spah jong phi kan roi ar shah; ka jingkmen jong phi kan neh bymjukut.

KA BAIBL

⁷ Namar ka jinglehrain jong phi phin ïoh ar shah; bad namar ka jinglyngngoh kin ïashadkmen ha ka bynta jong ki: namar kata, ha ka ri jong ki kin ïoh ar shah: ka jingkmen ba ha la ka rta kan long ha ki.

ISAÏAH 61:7 ပူးပေါင်းရင်းမြစ်များ

2 SYIEM 2:9

Hangta, u Elijah u ong ha u Elisha, “To ong ha nga kaei me kwah ïa nga ban leh na ka bynta jong me ha shuwa ba yn shim noh ïa nga.” “Ai ngan ïohpdiang ïa ka bhah jong ka bor jong phi ka ban pynlong ïa nga u nongmih bujli jong phi,” u Elisha u jubab.

Ka Kitab U Job 42:10

Nangta, hadien ba u Job u la duwai na ka bynta ki lai ngut ki paralok jong u, U Trai u la pynriewspah biang ïa u bad u la ai ha u ar shah ban ïa kaba u la don mynshuwa.

SALM 126:5

Ai ba kito kiba ïam katba ki bet ïa ki symbai jong ki kin ïohlum ïa ka jingot ha ka jingkmen!

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

SEPHANAÏAH 3:19

Ka por ka poi! Ngan pynshitom ïa ki nongbanbeiñ jong pha; ngan pyllait im ïa baroh kiba dkoh bad ngan wallam sha ïing ïa kiba shah ringmraw. Ngan pynphai ïa ka jinglehrain jong ki sha ka jingdonburom, bad baroh ka pyrthei kan ïaroh ïa ki.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

DEUTERONOMI 21:17

U dei ban ai ar bynta na ka spah ka phew jong u ha la u khun nyngkong, wat la um dei u khun na ka tnga ba u kham ieit. U dei ban ai ha la u khun nyngkong ïa ka hok kaba u dei ban ïoh.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,