ISAÏAH 61:3 - Khasi CL Bible (BSI)

³ ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

KA BAIBL

³ ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

ISAÏAH 61:3 ပူးပေါင်းရင်းမြစ်များ

ESTHER 8:15

U Mordekai u mih na ka ïingsyiem, ha ki jingphong syiem kiba jngum rong bad balieh, ka barandi linen ba sawbthuh bad ka pansngiat ksiar ba-itynnat. Nangta ki lynti bah ka Susa ki sawa da ki jingpyrta ïaroh jong ka jingkmen.

ESTHER 9:22

Kine ki long ki sngi ha kiba ki Jiw ki la pyllait ïa lade na ki nongshun jong ki; une u long u bnai ha uba la pynphai pat na ka por jong ka jingsngewsih bad jingduh jingkyrmen sha ka por jong ka jingsngewbha bad ka jingkmen. La ong ïa ki ban rakhe ïa kine ki sngi da kaba ïabam sngewbha bad lehkmen, da kaba ai jingai sngewbha da ka jingbam iwei ïa iwei pat bad ïa kiba duk.

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

SALM 23:5

Me pynkhreh ka jingkhawai bah na ka bynta jong nga, ha kaba baroh ki nongshun jong nga kin ïohi ïa nga; me pdiang sngewbha ïa nga kum u nongshahkhot sngewbha badonburom bad pyndap miar ïa ka khuri jong nga.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

SALM 30:12

Kumta ngan ym sngap jar; ngan rwai ïaroh ïa me. A Trai, me long U Blei jong nga, ngan ai ka jingsngewnguh ïa me junom.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

EKLESIASTIS 9:8

Borabor pynpaw ïa ka jingkmen bad ba-dap da ka jingkmen.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 26:2

To plie ïa ki khyrdop ka nongbah bad to ai ba ka jaitbynriew baïaineh kan rung, ka jaitbynriew kaba ki briew jong ka, ki leh ïa kaba dei.

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

ESEKIEL 34:29

Ngan ai ha ki ïa ki jaka rep kiba seisoh bad ngan pynkut noh ka jingïapthngan ha ka ri. Kiwei pat ki ri kin ym rkhiebeiñ shuh ïa ki.

ESEKIEL 47:7

bad haba nga la poi hangta nga la ïohi ba la don bun bha ki dieng ha baroh arliang ka rudwah.

SEKHARAÏAH 3:5

U la hukum ïa ki shakri ban pynspong ka jaiñspong bakhuid halor ka khlieh jong u Joshua. Ki la leh kumta, bad nangta ki la pynphong ki jaiñ thymmai ïa u katba u angel jong U Trai u dang ïeng hangta.

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

LOUKAS 15:22

Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.