ISAÏAH 61:2 - Khasi CL Bible (BSI)

² U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

KA BAIBL

² ban ïalap ïa ka snem kaba diang hun ka jong U Trai, bad ïa ka sngi ka jingpynhiar kput U Blei jong ngi; ban pyntngen ïa ki basngewsih baroh;

ISAÏAH 61:2 ပူးပေါင်းရင်းမြစ်များ

ISAÏAH 1:24

Kumta mynta, to shahshkor ïa kaei kaba U Trai Badonbor Baroh, U Blei badonbor jong ka Israel, u ong, “Ngan pynhiarkput halor jong pha, ko nongshun jong nga, bad phan ym pynjynjar shuh ïa nga.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 40:1

“Pyntngen ïa ki briew jong nga,” ong U Blei jong ngi. “Pyntngen ïa ki!

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

ISAÏAH 58:5

Haba phi shahjingit, phi pynshitom ei ïa lade; phi pyndem ngon ïa la ka khlieh kum u phlang, bad phriang ïa ki jaiñ khain bad u dpei ban thiah hangta. Hato ka dei kata kaba phi khot ka jingshah jingit? Phi tharai ba ngan sngewbha ïa kata?

ISAÏAH 60:10

U Trai u ong ïa ka Jerusalem, “Ki nongwei kin tei pat ïa ki kynroh jong pha, bad ki syiem jong ki kin shakri ïa pha. Ha ka jingbitar jong nga, nga la pynshitom ïa pha, hynrei mynta ngan pyn-i ïa ka jingieit bad jingisynei jong nga ïa pha.

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

MATHAÏOS 5:4

Suk kito kiba sngewsih; U Blei un pyntngen ïa ki!

LOUKAS 4:19

bad ban pynbna ba ka por ka la poi haba U Trai un pynim ïa ki briew jong u.”

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

2 KORINTH 6:2

Ha sngap aïu U Blei u ong: “Haba ka por ka la poi ïa nga ban pyn-i ïa ka jingshem sngewbha ha phi, nga la ïohsngew ïa phi; haba ka sngi ka la poi ïa nga ban pynim ïa phi, nga la ïarap ïa phi.” To shahshkor! Kane ka dei ka kynta ban pdiang ïa ka jingshem sngewbha U Blei; Mynta, ka dei ka sngi jong ka jingpynim!

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!