ISAÏAH 61:1 - Khasi CL Bible (BSI)

¹ U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

KA BAIBL

¹ U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

ISAÏAH 61:1 ပူးပေါင်းရင်းမြစ်များ

SALM 102:20

U ïohsngew ïa ki jingud jong ki koidi bad u pyllait ïa kito kiba la shah pynrem ban ïap.

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 22:26

Kiba duk kin bam katba ki lah; kito kiba wan sha U Trai kin ïaroh ïa u. Ai kin manbha junom!

SALM 25:9

U ïalam ïa kiba sngewrit ha ka lynti ka hok bad hikai ha ki ïa ka mon jong u.

SALM 34:18

U Trai u don hajan jong kito kiba tlot mynsiem; u pyllait im ïa kito kiba duh lut ïa ka jingkyrmen.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

SALM 51:17

Ka jingkñia jong nga ka long ka mynsiem kaba sngewrit, A Blei; men ym kyntait ïa ka dohnud kaba sngewrit bad ba la kylla-kaba-mut.

SALM 68:7

A Blei, haba me ïalam ïa ki briew jong me, haba me ïaid lyngba ïa ka ri shyiap,

SALM 69:32

Haba kiba shah banbeiñ ki ïohi ïa kane, kin shadkmen; ïa kito kiba mane ïa U Blei yn pynshlur.

EKSODOS 28:41

Pynphong ïa kine ki jaiñ ha u Aaron u hynmen jong me bad ha ki khun shynrang jong u. Nangta pynkupbor ïa ki bad pynkyntang da kaba pynsleh ïa ki da ka umphniang Olib, khnang ba ki lah ban shakri ïa nga kum ki lyngdoh.

EKSODOS 29:7

Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 30:19

Ko phi ki briew kiba shong basah ha Jerusalem phin ym ïam shuh lano lano ruh. U Trai u long uba sngewsynei, bad haba phi kyang sha u ban ïoh jingïarap, un jubab ïa phi.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 32:7

U briew uba mutlop u long uba sniew bad u leh ïa ki kam kiba sniew; u ïasylla ban pynsniew ïa kiba duk da ki jingshukor bad ban khanglad ïa ki ban ïoh ïa ki hok jong ki.

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 42:7

Phin pynpeit ïa ki khmat jong kiba matlah bad pyllaitluid ïa kito kiba shong ha ki ïingbyndi ba-dum.

ISAÏAH 48:16

“Mynta to wan sha jan jong nga bad sngap ïa kaei ba nga ong. Naduh mynnyngkong nga la kren da kaba shai, bad borabor nga la pynlong ba ki ktien jong nga kin wan urlong shisha.” (Mynta U Trai Nongsynshar u la ai ha nga ïa ka bor jong u bad u la phah ïa nga.)

ISAÏAH 49:9

Ngan ong ha kiba shah set byndi, ‘Leit ha kaba laitluid!’ bad ïa kito kiba don ha ka jingdum, ‘Wan sha ka jingshai!’ Kin long kum ki langbrot kiba bam phlang halor ki lumrit;

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

ISAÏAH 52:9

To risa lang da ka jingkmen, phi ki jingpra ka Jerusalem! U Trai un pyllait ïa la ka nongbah bad un pyntngen ïa la ki briew.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 34:8

U syiem Sedekaïah bad ki briew ka Jerusalem ki la pynlong ka jingïakut ban pyllaitluid noh ïa ki mraw Hebru, ïa ki shynrang bad ki kynthei, khnang ba uno uno ruh un ym don u para jait Israel kum u mraw.

JEREMAÏAH 52:33

Kumta ïa u Jehoïakhin la shah ba un law noh ïa ki jaiñphong byndi bad ban ïabam lang ha ka miej jong u syiem shi lynter ka jingim jong u.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

LEBITIKOS 7:35

Kane ka long ka bynta jong ka jingbam ba la ainguh sha U Trai ïa kaba la ai ha u Aaron bad ki khun jong u ha kata ka sngi ba pynkyntang ïa ki kum ki lyngdoh.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 3:16

Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

LOUKAS 7:22

U la jubab ïa ki nonglamktien jong u Ïoannis, “Khie leit noh bad ïathuh ïa u Ïoannis ïa kaei kaba phi la ïohi bad ïohsngew: Kiba matlah ki lah ban ïohi, kiba dkoh ki lah ban ïaid, kito kiba pang 'ñiangthohlieh ki la long khuid, kiba kyllut ki lah ban ïohsngew, ïa kiba ïap pynim pat, bad ïa ka Khubor Babha la ïalap ha kiba duk.

ÏOANNIS 1:41

Mar kumta u la shem ïa u Simon, u para jong u bad u la ong ha u, “Ngi la shem ïa u Messaïah.” (Kane ka kyntien ka mut “U Khrist”.)

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 4:27

Naba shisha u Herod bad u Pontios Pilat ki la ïakynduh lang ha kane ka nongbah lem bad ki Jentil bad ki paid Israel pyrshah ïa U Jisu, u shakri bakhuid jong me, ïa uba me la pynlong U Messaïah.

2 KORINTH 3:17

Mynta, “U Trai” ha kane ka jingthoh u long U Mynsiem; bad hangno haba U Mynsiem jong U Trai u don, hangta ka don ka jinglaitluid.

2 KORINTH 7:6

Hynrei U Blei, uba pynshlur ïa kita kiba la duh jingkyrmen, u la pynshlur ïa ngi da ka jingwan u Titos.

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”