ISAÏAH 6:7 - Khasi CL Bible (BSI)

⁷ U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

KA BAIBL

⁷ bad u la ktah ïa ka shyntur jong nga da u, u la ong ruh, “Ha khmih, kane ka la ktah ïa ki rmiang shyntur jong me; te ïa ka jingbymhok jong me la weng noh, bad ïa ka pop jong me la pynkhuid noh.”

ISAÏAH 6:7 ပူးပေါင်းရင်းမြစ်များ

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

JEREMAÏAH 1:9

Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

DANIEL 10:16

Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

SEKHARAÏAH 3:4

U angel u la ong ha la ki shakri ba kynja bneng, “Shim noh ïa ki jaiñ bajakhlia kiba une u briew u phong.” Nangta u ong ha u Joshua, “Nga la shim noh ïa ka pop jong me bad ngan ai ha me ki jaiñ bathymmai ban phong.”

JINGKHEIÑ 16:46

bad u Moses u ong ha u Aaron, “Shim ïa u khiew buh ding jong phi, buh hangta ïa u rnga uba rhem na ka duwan, bad buh khyndiat ka jingiwbih halor ki rnga. Nangta leit rah kloi kloi ïa ka sha u paidbah bad pyndep ïa ka jinglehniam ka jingpynkhuid na ka bynta jong ki. Pynkloi! Ka jingbitar U Trai ka la mih, bad ka khlam ruh ka la sdang.”

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.