ISAÏAH 6:5 - Khasi CL Bible (BSI)

⁵ Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

KA BAIBL

⁵ Te nga la ong, “Kordit ïa nga! namar nga la ïap; namar nga u briew u batngit ki rmiang shyntur, bad nga shong hapdeng u paidlang ba tngit ki rmiang shyntur: naba ki khmat jong nga ki la ïohi ïa U Syiem, U Trai ki paid.”

ISAÏAH 6:5 ပူးပေါင်းရင်းမြစ်များ

JENESIS 32:31

Ka sngi ka la mih haba u Jakob u mihnoh na Peniel, u da ïaid dkoh namar kata ka skhep.

SALM 24:10

Uei une u syiem uba khraw? U Trai uba jop — u dei u syiem uba khraw!

EKSODOS 24:10

bad ki ïohi ïa U Blei ki Israel. Hapoh ki sla'jat jong u, la don kaei kaba i kum ka jingsiang da u mawkordor Sapphir, kaba jngum kum ka suiñbneng.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 33:20

Hynrei ngan ym shah ba men ïohi ïa ka khmat jong nga, namar uno uno uba ïohi ïa ka un ym im shuh,

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 6:12

Hynrei u Moses u phai ktien, “Wat ki Israel ruh kim shym sngap ïa nga, u Pharaoh lei shano un sngap? Nga dei u briew uba duna ka ktien ka thylliej.”

EKSODOS 6:30

Hynrei u Moses u la jubab, “Me tip ba nga long uba duna ha ka ktien ka thylliej; kumno keiñ u Pharaoh un shahshkor ïa nga?”

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 33:17

Sa shisien pat phin ïohi ïa u syiem ba u synshar ha ka burom bakhraw ha ka hima kaba pyiar ha baroh ki liang.

ISAÏAH 59:3

Phi long kiba la rem namar ka jinglamler, ka jingleh jubor bad ka jingpynïap briew.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

JINGKHEIÑ 17:12

Ki paid Israel ki ong ha u Moses, “Te kata ka dei kaba kut ïa ngi!

NONGBISHAR 13:22

U Manoah u ong ha la ka tnga, “Ngin sa ïap shisha, namar ba ngi la ïohi ïa U Blei!”

NONGBISHAR 6:22

Nangta u Gideon u la sngewthuh ba dei u angel jong U Trai ba u la ïohi, bad u ong ha ka jingsheptieng, “A Trai Bakhrawbor! Nga la ïohi ïa u angel jong me markhmat!”