ISAÏAH 6:2 - Khasi CL Bible (BSI)

² Sawdong jong u ki seraph ki ïeng, uwei uwei na ki u don hynriew tylli ki thapniang. Uwei uwei u seraph u tap ïa la ka durkhmat da ki ar tylli ki thapniang, bad ïa la ka met da ki ar tylli, bad la pyndonkam ïa ki ar tylli kiwei pat ban her.

KA BAIBL

² Ki Seraph ki la ïeng haneng jong u: uwei uwei u la don hynriew tylli ki thapniang: da ki ar tylli u tap la ka khmat, da ki ar tylli ruh u tap la ki kjat, bad da ki ar tylli u her.

ISAÏAH 6:2 ပူးပေါင်းရင်းမြစ်များ

JENESIS 17:3

U Abram u dem ngon haduh khyndew; bad U Blei u ong,

1 SYIEM 19:13

Haba u Elijah u la ïohsngew ïa ka, u tap ïa la ka khmat da la ka barandi bad u leit ban ïeng ha khmat kata ka krem. Ka sur kaba kren ha u, “Elijah, me leh aïu hangne?”

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

1 SYIEM 6:24

Baroh ar ki long kiba mar katjuh ka jingheh bad mar kumjuh ka dur ka dar. Uwei uwei u kherub u don ar tylli ki thapniang kiba jrong 2.2 mitar kawei kawei, kumta ba ka jingjngai na kawei ka tduh thapniang sha kawei pat ka long 4.4 mitar.

1 SYIEM 6:27

La buh ïa ki marsyndah ha ka Jaka Kaba Kyntang Tam, kumta ba ar tylli ki thapniang kiba pyiar jong ki, ki ïadei lang hapdeng kata ka kamra, bad ar tylli kiwei pat ki thapniang ki dei ha ki kynroh.

1 SYIEM 8:7

Ki thapniang ba-pyiar jong ki, ki tap ïa ka synduk bad ïa ki dieng jingbah jong ka.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

Ka Kitab U Job 1:6

Haba la poi ka sngi ha kaba ki jingthaw ha bneng ki wanpaw ha khmat U Trai, u Soitan u la don lang hapdeng jong ki.

Ka Kitab U Job 15:15

Balei, U Blei um shaniah wat ïa ki angel jong u; wat ma ki kim long kiba khuid ha khmat jong u.

Ka Kitab U Job 4:18

U Blei um shaniah ïa ki shakri jong u ha bneng; u shem ka jingduna wat bad ki angel jong u.

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 104:4

Me pyndonkam ïa ki lyer kum ki nonglamktien jong me bad ki jingthaba leilieh kum ki shakri jong me.

SALM 18:10

U her stet halor jong u kherub; u la leit halor ki thapniang jong ka lyer.

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

EKSODOS 25:20

Kita ki kherub kin ïaphai markhmat, na shiliang sha shiliang ka jingtap bad ki thapniang ba-pyiar jong ki, ki kah ïa kata ka jingtap.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 37:9

Kita ki Kherub ki ïaphai markhmat halor kata ka jingtap, bad ki thapniang ba-pyiar jong ki, ki kah ïa ka.

ISAÏAH 6:6

Te uwei na ki seraph u la her sha tbian sha nga, da kaba rah ïa u rnga uba rhem uba u la khap da ka nap na ka duwan.

ESEKIEL 1:11

Ïa ki ar tylli ki thapniang jong uwei pa uwei u jingthaw la rah shajrong kumta ba ki dei ïa ki khmut thapniang jong ki jingthaw ba-marsyndah, bad ki ar tylli ki thapniang ki tap ïa ki met jong ki.

ESEKIEL 1:24

Nga la ïohsngew ïa ka jingriew ki thapniang haba ki her; ka sawa kum ka jingkyrhuh ka duriaw, kumba khynwin ka kynhun shipai kaba heh; kum ka sur jong U Blei Badonbor Baroh. Haba ki sangeh na kaba her, ki khylliap ïa la ki thapniang,

ESEKIEL 1:4

Nga la khmied, bad nga la ïohi ïa ka 'erïong ba ka wan na shaphang shatei. Ka leilieh ka thaba na u lyoh uba rben, bad ka sahit bneng sawdong jong u, ka phyrnai. Ha ka jaka ba ka leilieh ka thaba, don kaei kaei kaba phyrnai kum ka rnong.

ESEKIEL 1:6

hynrei uwei uwei na ki u don saw tylli ki durkhmat bad saw tylli ki thapniang.

ESEKIEL 1:9

Ar tylli ki thapniang jong uwei uwei u jingthaw ki pyiar bad kita ki jingthaw ki pynlong ïa ka dur basawdong da ki khmut thapniang kiba ïakynduh. Haba ki khih, ki khih kum ka kynhun khlem da pynphai ïa ki met jong ki.

ESEKIEL 10:16

Haba ki kherub ki kiew sha suiñ bad ki khih, ki shalyntem ruh ki leit lang bad ki. Haba ki pyiar ïa ki thapniang ban her, ki shalyntem ruh ki leit lang bad ki.

ESEKIEL 10:21

Uwei uwei u don saw tylli ki durkhmat, saw tylli ki thapniang, bad kaei kaei kaba syriem ïa ka kti briew hapoh kawei kawei ka thapniang.

DANIEL 7:10

bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

SEKHARAÏAH 3:4

U angel u la ong ha la ki shakri ba kynja bneng, “Shim noh ïa ki jaiñ bajakhlia kiba une u briew u phong.” Nangta u ong ha u Joshua, “Nga la shim noh ïa ka pop jong me bad ngan ai ha me ki jaiñ bathymmai ban phong.”

LOUKAS 1:10

katba u paidbah habar u la duwai ha ka kynta ha kaba la thang ïa ka jingiwbih.

HEBRU 1:7

Hynrei shaphang kita ki angel U Blei u la ong, “U Blei u la pynlong ïa la ki angel kum ki lyer, bad ïa ki shakri jong u kum ki thylliej ding.”

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 7:11

Ki angel baroh ki la ïeng sawdong ka khet, ki nongsharai balang, bad ki saw tylli ki jingthaw ba-im.

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”